HAI ROU!
Osu Vẹ Whọ te Salọ?—Eme Ebaibol na Ọ Ta?
Evaọ eka jọ nọ e be tha na, a ti votu evaọ erẹwho sa-sa evaọ akpọ na. Ahwo buobu a bi roro kpahe ohwo nọ a ti votu kẹ.
Eme Ebaibol na ọ ta?
Isu ahwo-akpọ a wo umuo nọ a rẹ sai ru ba
Ebaibol na ọ fodẹ oware jọ nọ o rẹ sae via kẹ isu ahwo-akpọ.
“Who fievahọ ikpahwo-esuo ho hayo ọmọ ohwo-akpọ họ, ọnọ ọ rẹ sae wha esiwo ze he. Nọ ẹwẹ riẹ o te noi oma no, o ve zihe kpohọ otọ; ẹdẹdẹ yena iroro riẹ e vẹ raha.”—Olezi 146:3, 4, ẹme-obotọ.
Makọ emamọ osu dede o re whu ghele. Yọ ọ sae riẹ hẹ sọ ohwo nọ o ti su nọ u te noi no o ti ru emamọ eware nọ o je ru vẹre.—Ọtausiuwoma Na 2:18, 19.
Ebaibol na o dhesẹ nọ Ọghẹnẹ ọ ma ahwo-akpọ re a su omarai vievie he.
“Ohwo-akpọ nọ ọ be nya onya o wo ogaga nọ ọ rẹ rọ tubẹ kpọ ithihi riẹ dede he.”—Jerimaya 10:23.
Kọ emamọ osu jọ ọ riẹ nọ ọ sai gine su akpọ na nẹnẹ na?
Osu nọ Ọghẹnẹ ọ salọ
Ebaibol na o dhesẹ nọ Ọghẹnẹ ọ rọ Jesu mu re ọ jọ osu. Jesu o te ziezi yọ a rẹ sai fievahọ iẹe. (Olezi 2:6) Jesu họ ovie Uvie Ọghẹnẹ. Uvie Ọghẹnẹ yọ egọmeti nọ u ti su no obọ odhiwu ze.—Matiu 6:10.
Kọ whọ te rọwo nọ Jesu o su owhẹ? Ebaibol na ọ ta kpahe oware nọ onọ nana u ro wuzou gaga:
“Wha rọ adhẹẹ kẹ ọmọ na [Jesu Kristi], o gbẹ rrọ ere he eva e te dha Ọghẹnẹ ọ vẹ te raha owhai no edhere na no, keme ofu Riẹ ọ rẹ wọ ze ovovẹrẹ. Jọ eva e were enọ e dhẹ bru ei re a ruẹse zọ kpobi.”—Olezi 2:12.
Enẹna họ oke nọ ma rẹ rọ jiroro na. Eruẹaruẹ Ebaibol i dhesẹ nọ Jesu o muhọ esuo evaọ ukpe 1914, yọ kẹle na Ọghẹnẹ ọ te rọ Uvie riẹ nwene isuẹsu ahwo-akpọ.—Daniẹl 2:44.
Re who gbe wuhrẹ kpahe epanọ whọ sai ro dhesẹ nọ esuo Jesu whọ gwọlọ, se uzoẹme na “Gwọlọ Uvie Ọghẹnẹ Enẹna!”