JUNELIK AJʼAJAQ QU!
Chirix ani tattzʼaqonq? | Kʼaru naxye li Santil Hu?
Li kristiʼaan yookebʼ xsikʼbʼal chiʼus chirix ani teʼtzʼaqonq.
Kʼaru naxye li Santil Hu?
Wank kʼaru inkʼaʼ naru xbʼaanunkil li xʼawabʼejilal li winq
Li Santil Hu naxye naq wank kʼaru inkʼaʼ naru xbʼaanunkil li xʼawabʼejilal li winq.
«Meesikʼ xkʼojobʼankil eechʼool rikʼinebʼ li xninqal ru winq: aʼan yal winqebʼ, ut inkʼaʼ naru texkoleʼq xbʼaanebʼ. Teʼelq xmusiqʼ, ut chʼochʼ teʼsutqʼiiq wiʼ: saʼ ajwiʼ li kutan aʼan taaraqeʼq chixjunil li xkʼuubʼahomebʼ» (Salmo 146:3, 4, Li Santil Hu, Sociedad Bíblica de Guatemala, SBG).
Chixjunilebʼ li awabʼej nekeʼkamk. Maakʼaʼ naxye wi qʼaxal chaabʼil li xkʼanjelebʼ ut li xbʼaanuhomebʼ, moko naraj ta xyeebʼal naq li jun chik tixbʼaanu ajwiʼ aʼin (Eclesiastés 2:18, 19).
Li Santil Hu naxye naq ebʼ li kristiʼaan moko xeʼyobʼtesiik ta re naq teʼxjolomi ribʼ xjunesebʼ.
«Li winq moko aʼan ta yaal re saʼ xbʼeen li xyuʼam, chi moko saʼ ruqʼ wank li xbʼeenik» (Jeremías 10:23, SBG).
Ma wank junaq li naru chi awabʼejink chi chaabʼil saʼebʼ li qakutan?
Jun li awabʼej li xaqabʼanbʼil xbʼaan li Yos
Li Santil Hu naxye naq li Yos kixxaqabʼ li Jesukriist joʼ awabʼej xbʼaan naq wank xnaʼlebʼ ut paabʼajel li raatin (Salmo 2:6). Li Jesús aʼan li awabʼej saʼ li Xʼawabʼejilal li Yos ut li Xʼawabʼejilal wank saʼ choxa (Mateo 6:10).
Ma taakʼulubʼa naq li Jesús t-awabʼejinq aawe? Li Santil Hu naxkʼut kʼaʼut wank xwankil li taasikʼ xbʼaanunkil:
«Chekʼehaq xloqʼal li kʼajolbʼej [Jesukriist]; re naq inkʼaʼ tjosqʼoʼq li Dios saʼ eebʼeen. Chekʼehaq xloqʼal re naq inkʼaʼ tchalq li kamk saʼ eebʼeen saʼ xqʼehil li raqbʼa aatin xbʼaan naq aʼan saʼ junpaat nachalk xjosqʼil. Us xaq rehebʼ chixjunilebʼ li nekeʼxkʼojobʼ xchʼool rikʼin li Dios» (Salmo 2:12, Li Santil Hu, Wycliffe Bible Translators. Akʼ tzʼiibʼ).
Aʼin tzʼaqal li hoonal re naq taasikʼ chirix ani tattzʼaqonq. Li propesiiy li wank saʼ li Santil Hu naxkʼut naq li Jesús kiʼok chi awabʼejink saʼ li chihabʼ 1914. Naxye ajwiʼ naq chi seebʼ li Xʼawabʼejilal li Yos tkanaaq choʼq reqaj li xʼawabʼejilal li winq (Daniel 2:44).
Wi nakaawaj xnawbʼal chanru tat-okenq saʼ li xʼawabʼejilal li Jesús, chaawil li naʼlebʼ «Chootzʼaqonq chirix li Xʼawabʼejilal li Yos!».
Maare twulaq ajwiʼ chaawu
LAJ KʼAAKʼALEHOM
Ani li Awabʼej re li Xʼawabʼejilal li Yos?
Wiibʼ oxibʼ li keʼxtzʼiibʼa li Santil Hu keʼxye chanruhaq li Awabʼej re li Xʼawabʼejilal li Yos. Kaʼajwiʼ chirix li Jesukriist natzʼaqlok ru chixjunil aʼin.
LI QʼAXAL WANK XWANKIL SAʼ LI SANTIL HU
Kʼaru tzʼaqal Xnimajwal Awabʼejilal li Yos?
Li Jesus kixkʼe xchʼool chi aatinak chirix li Xʼawabʼejilal li Yos chiru jalan chik li naʼlebʼ. Ebʼ li xtzolom nekeʼxtzʼaama naq tchalq li Xʼawabʼejilal li Yos.
JUNCHʼOL CHIK EBʼ LI NAʼLEBʼ
Li chaq’al ru yeechi’om cho’q re li kutan chalk re
K’a’ut naq li naxyeechi’i li Santil Hu moko junaqik ta rik’in li neke’xyeechi’i ut li neke’xk’oxla eb’ li poyanam?
LI SANTIL HU NAXSUME EBʼ LI PATZʼOM
Kʼaru truuq xbʼaanunkil li Xnimajwal Awabʼejilal li Yos?
Kʼe reetal li tkʼulmanq naq li Xʼawabʼejilal li Yos tixjolomi li Ruuchichʼochʼ.
CHIQIX
Patzʼ naq tateʼrulaʼani
Aatinan chirix junaq li naʼlebʼ saʼ li Santil Hu malaj tzol xkomon aanaʼlebʼ chirix ebʼ laj Testiiw.
