Inuit kik­kun­nit naalak­kersor­neqar­nis­sar­tik pil­lugu pingaarutilin­nik aalajangiis­sap­put.

 Biibilimi qanoq allas­simasoqarpa?

 Taamaan­nera Biibilimi ima eqqaaneqar­poq:

•   “Tatigeqinasigit naalagar­tat, inuit annaas­sisin­naan­ngitsut. Aner­ningerunik kingumut issun­ngus­sap­put, pilersaarutaallu ulloq taanna maangaan­nas­sap­put.” – Tus­siaat 146:3, 4.

 Allaammi naalak­kersuil­laq­qin­ner­paat toqus­sap­put. Aamma imaas­sin­naavoq taak­kua ajun­ngitsuliaat kingoraar­taasa atuuk­kun­naarsis­sagaat. – Oqaluus­sisar­tup oqaasii 2:18, 19.

 Biibilimi ersersin­neqar­poq inuit inoqatimin­nut naalak­kersuinis­saat siuner­taan­ngik­kaluar­toq.

•   “Inuup ingerlavis­sani nam­mineq [aalajangigas­sarin­ngilaa].” – Jeremia 10:23.

 Taavami kina naalak­kersuisuul­luarsin­naava?

 Biibilimi nas­suiar­neqar­poq Guuti naalak­kersuil­laq­qin­ner­paamik toq­qaasimasoq, tas­saavorlu Jiisusi Kristusi. (Tus­siaat 2:6) Jiisusi Guutip kun­ngeqarfiani kun­ngiul­luni qilam­miit naalak­kersuivoq. – Matiusi 6:10.

 Jiisusip naalak­kersuinera akueris­saviuk? Tamatuma akuerinera sooq pingaaruteqar­toq Biibilimi ima nas­suiar­neqar­poq:

•   Jiisusi Kristusi ataq­qisiuk Guuti “kamaleq­qunagu nungutitaaq­qunasilu; tas­san­ngaan­narmi kamalersin­naasar­poq. Pil­luar­poq kinaluun­niit taas­sumani qimar­nguf­fis­sarsior­toq.” – Tus­siaat 2:12.

 Tassa maanna aalajanger­tariaqar­putit! Siulit­tuutinit Biibilimeersunit erser­poq Jiisusi ukiumi 1914-imi naalak­kersuilersoq qanit­tuk­kullu Guutip kun­ngeqarfia nunarsuarmi naalak­kersuisut tamaasa atuuk­kun­naarsil­lugit nam­mineq naalak­kersuilis­sasoq. – Danieli 2:44.

 Jiisusip naalak­kersuinera qanoq tapersersulersin­naanerlugu paasiumal­lugu allaaserisaq “Guutip naalagaaf­fia tapersersoruk!” atuaruk.