MUBYE IMUNATHEGHIRYE!
Ni Musondoli Wahi oyo Wukendi Sombolha?—E Biblia Yikabugha Yithiki?
Omo mayenga make ahambere aha, obukome bukendibya omwa bihugho muthina-muthina erithimba omo kihugho kyosi. Abandu banemukolha erithwamu likulhu nga bakendi koma ndi.
E Biblia yikabugha yithiki?
Abasondoli b’ekihugho banawithe aho bakasubulira
E Biblia yikakanganaya aho abathabali abosi b’ekihugho bakasubulira.
“Simuyikethere abasondoli b’ekihugho, kutse owundi oyuthethoka eribalhamya. Omughulhu bakahola, bakasuba okwa kithaka; okwa kiro ekyo eriyisunza lyabu lyosi likahwa.”—Esyonyimbo 146:3, 4.
Nibya n’abasondoli abakabya nga bangathoka, endambi yikahika ibaholha. Eryongera okw’ekyo, sibangaminya abakendi suba omwa bisandu byabu nga banemwendi lholya emibiiri yabu mibuya y’embere.—Omugambuli 2:18, 19.
Okwenene kuli kuthi, e Biblia yikabisulha ngoku abandu mubathahangikwa ini b’eriyithabalhako.
“Siriri omwisi w’omundu oyukalendera erisondolha olhughendo lhwiwe”—Yeremia 10:23.
Mbwino hane owosi-wosi oyuwangabya musondoli mubuya munabwire?
Omusondoli oyuhamibirweko na Nyamuhanga
E Biblia yikabugha yithi Nyamuhanga abirisombolha omusondoli oyuwangathoka ndeke kandi ow’eriyikethera kutsibu: Yesu Kristo. (Esyonyimbo 2:6) Yesu y’Omwami w’Obwami bwa Nyamuhanga, egavumente eyikathabalira elhubulha.—Matayo 6:10.
Wunemwendi thwamu eriligha Yesu ng’omusondoli? E Biblia yikakanganaya obukulhu bw’erithwamu eryo:
“Muname embere sy’Omughalha [Yesu Kristo], akasyahithana, nenyu imwaholha, kusangwa erihithana liwe likaka lhuba. Obutseme buli okwa bosi abakamusaghirako.”—Esyonyimbo 2:12
Eno y’endambi ey’erithwamu. Amaminyereri we Biblia akakanganaya ngoku Yesu atsuka erithabalha omo mwaka owa 1914 kandi ngoku Obwami bwa Nyamuhanga bukisiya ibwasuba omo mwanya w’amathabali w’abandu.—Danieli 2:44.
Eriminya bingyi ngoku wanga sighika Yesu ng’Omusondoli, soma omwatsi “Ithwamu Erisighika Obwami bwa Nyamuhanga Lino!”