အိၣ်ပလီၢ်သးထီဘိ
နကဃုထၢ ခိၣ်နၢ်ဖဲလဲၣ်တဂၤလဲၣ်—လံာ်စီဆှံတဲဝဲဒ်လဲၣ်
တယံာ်လၢၤဘၣ် လၢထံကီၢ်တနီၤန့ၣ် ပှၤကဘၣ်ဆွံနုာ်မဲလၢ ကဃုထၢခိၣ်နၢ်အဂီၢ်. အဃိ ပှၤအါဂၤန့ၣ် ဆိကမိၣ်ထံဝဲ ဘၣ်ဃးဒီး အဝဲသ့ၣ် ကဃုထၢဝဲ ခိၣ်နၢ်ဖဲလဲၣ်တဂၤလဲၣ်.
လံာ်စီဆှံတဲဝဲဒ်လဲၣ်
ပှၤဟီၣ်ခိၣ်ဖိ လၢအကဲခိၣ်နၢ်တဖၣ်န့ၣ် မၤတၢ်တသ့ ခဲလၢာ်ဘၣ်
လံာ်စီဆှံ ပာ်ဖျါထီၣ်ဝဲ ပှၤဟီၣ်ခိၣ်ဖိလၢ အကဲခိၣ်နၢ်တဖၣ် အတၢ်လီၤတူာ်လီၤကာ် ဒီးတၢ်လၢအမၤဝဲတသ့ဘၣ်တဖၣ်.
“တဘၣ်နာ်န့ၢ် ပဒိၣ်ဖးဒိၣ်တဖၣ် ဒီးပှၤဟီၣ်ခိၣ်ဖိ လၢအအုၣ်က့ၤခီၣ်က့ၤတၢ် တသ့ဘၣ်န့ၣ်တဂ့ၤ. ဖဲပှၤတဂၤသံအခါ အဝဲကဲထီၣ်ကဒါက့ၤ ဟီၣ်ခိၣ်ကမူၣ်လီၤ. ဖဲတၢ်တနံၤန့ၣ် အတၢ်ဆိကမိၣ် ဟးဂီၤကွံာ်ဝဲလီၤ.”—စံးထီၣ်ပတြၢၤ ၁၄၆:၃, ၄.
ခိၣ်နၢ်လၢ အဂ့ၤတဖၣ်ဒၣ်လဲာ် လၢခံကတၢၢ်န့ၣ် ဘၣ်သံဝဲ. တကးဒံးဘၣ် တၢ်အဂ့ၤလၢ အဝဲသ့ၣ်မၤတ့ၢ်ဝဲတဖၣ်န့ၣ် ပှၤလၢအကထီၣ်အလီၢ် လၢခံတဂၤ ကဆဲးမၤဝဲဧါန့ၣ် အဝဲသ့ၣ် အၢၣ်လီၤဝဲတသ့ဘၣ်.—စံၣ်တဲၤတဲလီၤတၢ် ၂:၁၈, ၁၉.
လံာ်စီဆှံ ပာ်ဖျါထီၣ်ဝဲလၢ ပှၤဟီၣ်ခိၣ်ဖိတဖၣ်န့ၣ် ပၢလီၤအသးတသ့ နီတဘျီဘၣ်.
“ပှၤဟီၣ်ခိၣ်ဖိ တဒိးန့ၢ်ဘၣ် တၢ်ခွဲးတၢ်ယာ်လၢ ကဟံးစုနဲၣ်ကျဲလီၤ အနီၢ်ကစၢ် အခီၣ်ခါဘၣ်.”—ယံးရမံယၤ ၁၀:၂၃.
လၢပစိၤခဲအံၤ ပှၤလၢအကဲခိၣ်နၢ်လၢအဂ့ၤန့ၣ် အိၣ်ဧါ
ခိၣ်နၢ်လၢ ကစၢ်ယွၤ ဘၣ်သူၣ်ဘၣ်သးဝဲ
လံာ်စီဆှံ တဲဝဲလၢ ကစၢ်ယွၤ ဃုထၢထီၣ်ဝဲ ခိၣ်နၢ်လၢ ပှၤနာ်န့ၢ်အီၤသ့ ဒီးအဂ့ၤကတၢၢ်. ခိၣ်နၢ်တဂၤအံၤန့ၣ် အကဲဝဲယ့ၣ်ၡူးခရံာ်. (စံးထီၣ်ပတြၢၤ ၂:၆) ယ့ၣ်ၡူးန့ၣ် အကဲဝဲ ယွၤအဘီအမုၢ်အစီၤပၤ. ယွၤအဘီအမုၢ်န့ၣ် အကဲဝဲတၢ်ပၢတၢ်ပြးလၢ မူခိၣ်.—မးသဲ ၆:၁၀.
နကဃုထၢယ့ၣ်ၡူးလၢ ခိၣ်နၢ်ဧါ. လံာ်စီဆှံ ပာ်ဖျါထီၣ်ဝဲလၢ တၢ်ဃုထၢတခါအံၤန့ၣ် မ့ၢ်တၢ်လၢ အရ့ဒိၣ်ဒိၣ်မး.
“ယူးယီၣ်ဖိခွါတက့ၢ်, မ့တမ့ၢ်ဘၣ်န့ၣ် ကစၢ်ယွၤ ကသးဒိၣ်ထီၣ်တၢ်, မ့ၢ်လၢ အသးထီၣ်တၢ် သတူၢ်ကလာ်သ့ဝဲအဃိ သုကသံကွံာ်လီၤ. ပှၤလၢ အသန့ၤအသးလၢယွၤန့ၣ် ကသးခုဝဲ ကိးဂၤဒဲးလီၤ.”—စံးထီၣ်ပတြၢၤ ၂:၁၂.
အရ့ဒိၣ်လၢ နကဆၢတဲာ်တၢ် ခဲအံၤလီၤ. လံာ်စီဆှံ ပာ်ဖျါထီၣ်ဝဲလၢ ယ့ၣ်ၡူးစးထီၣ်ပၢတၢ်ဖဲ ၁၉၁၄ ဒီးတယံာ်လၢၤဘၣ်န့ၣ် ယွၤအဘီအမုၢ် ကပၢက့ၤတၢ်လၢ ဟီၣ်ခိၣ်အတၢ်ပၢတၢ်ပြးအလီၢ်.—ဒၤနံးယ့လး ၂:၄၄.
နဆီၣ်ထွဲယ့ၣ်ၡူး လၢအမ့ၢ်ခိၣ်နၢ် ကသ့ဒ်လဲၣ်န့ၣ် ဒ်သိး နကသ့ၣ်ညါအါထီၣ်အဂီၢ် ဖးကွၢ်တၢ်ဂ့ၢ်လၢအမ့ၢ် “ပကြၢးဆီၣ်ထွဲမၤစၢၤ ယွၤအဘီအမုၢ် လၢအခဲအံၤ.”