Na basabala yina kena kuiza, babuala mingi ya yinza kesala bavote. Bantu kena kubaka banzengolo ya mfunu na yina metadila bantuadisi yina bakepona.

 Yinki Biblia metuba?

 Biblia kemonisaka ti bantu nionso yina ketuadisaka kevuandaka na bandilu.

•    ‘Beno tula ve ntima na bamfumu to na muana ya muntu, yina lenda vukisa ve. Mpema na yandi kebimaka, yandi kevutukaka na ntoto;kaka na kilumbu yina mabanza na yandi mekufua.’—Nkunga 146:3, 4, nyp.

 Ata bantuadisi yina kevuandaka na makoki mingi kesukaka kaka na kufua. Katula yau, bakekukindimisaka ve ti ata mosi na kati ya bisalu na bau ya mbote ketatamana kusalama na bantu yina kekuiza na manima na bau.—Longi 2:18, 19.

 Kedika kele ti, Biblia kemonisaka ti bantu salamaka ata fioti ve samu bakukituadisa bau mosi.

•    ‘Muntu yina kena kutambula kele ve na kiyekua ya kutuadisa kitambi na yandi mosi.’—Yeremia 10:23.

 Yakele ata na muntu mosi yina lenda tuadisa na mutindu ya mbote bubu yayi?

 Biblia metuba ti Nzambi meponaka ntuadisi yina kele na makoki mingi mpe yina mebonga batudila yandi ntima, ntuadisi yango: Yesu Klisto. (Nkunga 2:6) Yesu kele Mfumu ya Kimfumu ya Nzambi, guvernema mosi yina kena kuyala na dizulu.—Matayo 6:10.

 Nge kepona kundima Yesu lokola ntuadisi? Biblia kena kumonisa mfunu ya kiuvu yango:

•   Kiese na bantu nionso yina ketininaka na yandi.’—Nkunga 2:12.

 Yayi nde kele ntangu ya kubaka nzengolo na nge. Bambikuduku ya Biblia memonisa ti Yesu bandaka kuyadila banda 1914 mpe ntama mingi ve Kimfumu ya Nzambi keyadila na kisika ya baguvernema ya bantu.—Daniele 2:44.

 Samu na kuzaba mambu mingi yina metadila mutindu nge lenda pesa luyalu ya Yesu maboko, tanga disolo “Osengeli koluka liboso Bokonzi ya Nzambe lelo oyo!”