Moyivike yongandi eyi yina kara komeho, moyirongo yimwe mouzumi mudima ngamu kara ehoroworo. Vantu kuna kutura po matokoro gomulyo kuhamena vampitisili ava ngava horowora.

 Yisinke azi uyunga ko Bibeli?

 Bibeli kwa likida yininke eyi ava dili kusikisa mo vampitisili navenye vepevhu.

•   ‘Walye omu huguvara vapangeli wovantu, ndi nkenye ogu a dili kuvhura kukuparura. Nsene vana fu, kusitunuka evhu; ezuva olyo yigazo yawo nayinye tayi va pu.’—Episarome 146:3, 4.

 Nampili vampitisili wonondunge, ezuva limwe nawo ngava fa. Ntani hena kapi tava vhuru kutumbwidira asi yirugana yawo yoyiwa ngayi twikira ngorooro mwava ngava va kwama monyima—Muudisi 2:18, 19.

 Usili kuna kara asi Bibeli za likida asi vantu kapi va va pulisilire va li pangere vene.

•   “Kutupu ogu a pangere kukaramwenyo kwamwene.”—Jeremiya 10:23.

 Kweli gumwe ogu na vhura kukara mupitisili gomuwa mosiruwo setu ndi?

 Bibeli kwa faturura asi Karunga kwa horowora mupitisili gonondunge unene ntani gokuhuguvara. Edina lyendi yige Jesus Kristusa. (Episarome 2:6) Jesus kuna kara Hompa goUhompa waKarunga, epangero eli ali pangere meguru.—Mateusa 6:10.

 Ngo horowora umpitisili waJesus ndi? Bibeli kwa likida eyi epuro eli lya karera nomulyo:

•   “Ncumiteni Muna, [Jesus Kristusa] neisi a handuka makura mu dongonokere monzira; yeeyi ehandu lyendi kuhwama usimbu. Verago vava ava vanda mwendi!”—Episarome 2:12.

 Esi kuna kara siruwo esi no tura po etokoro. Uporofete womoBibeli kwa likida asi Jesus kwa tamekere kupangera mo-1914 ntani asi ntaantani Uhompa waKarunga u ya pinganesere po mapangero nagenye govantu.—Ndaniyera 2:44.

 Mokudiva ko yoyinzi kuhamena omu no kwatesa ko umpitisili waJesus, resa sirongwa esi asi: “Kwatesa ko ngesi Uhompa waKarunga.”