Vioka tumingu twakete, vevangama nsola mu nsi zayingi omu nza yawonso. O wantu bebaka e nzengo zamfunu mu zaya kana nani besola se mfidi au.

 Adieyi Bibila Kivovanga?

 E Bibila kitoma songanga vo ayadi a wantu ke bezinganga yakwele mvu ko.

•   “Ke nubundi wantu azitu vuvu ko ngatu kwa mwan’a muntu, ona kalendi twasa luvuluku ko. O mwand’andi uvaika, ovutuka muna ntoto; muna lumbu kiakina ngindu zandi zifokoka.”—Nkunga 146:3, 4.

 Kana una vo bemonekenanga vo afwana, ayadi awaya befwanga. Vana ntandu, ke balendi sikidisa ko vo e salu yau yakwamanana salwa kwa awana bevinga vana fulu kiau.—Kimpovi 2:18, 19.

 E ziku kia diambu i kiaki, e Bibila kivovanga vo o wantu ke balendi kukiyala yau kibeni ko.

•   “O muntu kalendi singika e ntambi zandi ko.”—Yeremiya 10:23.

 Nga vena yo muntu olenda kala mfidi ambote o unu?

 E Bibila kivovanga vo Nzambi wasola Yesu Kristu una vo i mfidi wafwana bundwa e vuvu. (Nkunga 2:6) Yesu i Ntinu a Kintinu kia Nzambi, oyala tuka kuna zulu.—Matai 6:10.

 Nani osola, nga otambulwila Yesu se mfidi? E Bibila kisonganga e kuma e kiuvu kiaki kinina kiamfunu.

•   “Nuzitisa mwana, kimana Nzambi kalembi funga makasi, oyeno nualembi fwila muna nzila, kadi makasi mandi nzaki mefusukanga. Akwa kiese awonso betininanga kwa Yandi.”—Nkunga 2:12.

 E yayi i ntangwa ofwete baka e nzengo. O ungunza wa Bibila usonganga vo Yesu wayantika o yala muna mvu wa 1914 ye ke kolo ko e Kintinu kia Nzambi kivinga nava fulu kia tuyalu twawonso twa nza.—Daniele 2:44.

 Muna zaya diaka mayingi mu kuma kia una ukala o luyalu lwa Yesu, tanga e longi dina yo ntu a diambu, “Yikama e Kintinu kia Nzambi Owau!”