Mu tumingu tuta kwiza, vote zibâ mu nsi zazingi mu nza. Bantu nzengolo za mfunu bata bonga mu ntwarisi zi basola.

 Ngano Bibila bwe ditâka?

 Bibila musamu dizonzelaka wu lembanaka mfumu zazansoni za bantu.

•   “Ka lutûlandi lukwikulu lweno mu bamfumu, na mwana wa muntu, yandi lembo vukisaka. Mpeve’andi mbo yidukaka, mpe mu mutoto kakâlaka; mu tilumbu tio, mabanza mandi mbo mafwaka.”​—Mikunga 146:3, 4.

 Ntwarisi ziyôkele bubote mpe mbo zifwa kwa. Mpe, bawu ka balendi’â babâ na lukwikulu ko ti bô babayingasa mbo balungisa misamu mi babatikiri.​—Ekleziaste 2:18, 19.

 Matieleka ni mena’eti, Bibila ditâka ti kani kabwe bantu ka bena na lenda ko dia tiyâla bawu beni.

•   “Muntu wu kwe yende ka wena na lenda ko dia twarisa ntambi zandi.”—Yeremi 10:23.

 Ngano muntu we kô wulendi tuma mu mpila ya mbote bwawu bu?

 Bibila ditêle ti Nzambi watumba ntawrisi yiyôkele bubote mpe yi balendi sila lukwikulu: Yezu Kristo. (Mikunga 2:6) Yezu ni Mutinu wa Timfumu tia Nzambi, guvernema yiyâlaka tûka ku zulu.​—Matie 6:10.

 Ngano mbo tambula lutumu lwa Yezu? Bibila disongele nsasa ya nsololo yo:

•   “Kembeleno mwana [Yezu Kristo], tala ti kâni Nzambi mbo kadasuka mpe mbo lufwa, mu bungu ti nkesi zandi ntinu zitulumukaka. Nsayi kwe bô babansoni baswaminaka mu Yandi.”​—Mikunga 2:12.

 Yi ni ntangu ya bonga nzengolo’aku. Mbikukulu ya Bibila yisongele ti Yezu wabatika mu yâla mu 1914 mpe ntamana Timfumu tia Nzambi mbo tiyingasa guvernema zazansoni za bantu.​—Daniele 2:44.

 Mu tomo zaba bwe lendi yika lutumu lwa Yezu moko, tanga mutu-diambu wa “Sola mu yika Timfumu tia Nzambi moko bwawu bu!”