MUZWELEPILI KUTONA!
Ki Mueteleli Ufi Yemukona Kuketa?—Bibele Ibulelañi ka za Taba Yeo?
Mwa lisundanyana zetaha, kukaba ni liketisa mwa linaha zeshutana-shutana mwa lifasi. Batu basweli kueza liketo ka za kuli ki ufi mubusi yebakona kuketa.
Bibele ibulelañi ka za taba yeo?
Kunani lika zebasa koni kueza babusi ba batu
Bibele italusa lika zebasa koni kueza babusi ba batu.
“Musike mwasepa manduna kamba kusepa mwanaa mutu, yasakoni kupilisa. Moya wahae waazwa ku yena, yena ukutela mwa mubu; ka lona lizazi leo, mihupulo yahae yafela.”—Samu 146:3, 4.
Nihaiba babusi bababonahala kuli baeza hande lika bakashwa. Kuzwafo, habakoni kulumela kuli misebezi yeminde yebasweli kueza yakona kufelelezwa ki babusi babaka busa mwamulaho wabona.—Muekelesia 2:18, 19.
Niti ki kuli, Bibele ibonisa kuli batu nebasika bupiwa ka mulelo wa kubusa batu babañwi.
“Mutu yazamaya haakoni nihaiba kuetelela mihato yahae.”—Jeremia 10:23.
Kana kunani mutu yakona kuba mubusi yomunde kacenu?
Mubusi yafilwe tukelo ya kubusa ki Mulimu
Bibele italusa kuli Mulimu uketile mubusi yaswanela ni yasepahala: Yena Jesu Kreste. (Samu 2:6) Jesu ki Mulena wa Mubuso wa Mulimu, ili mubuso obusa kuzwelela kwa lihalimu.—Mateu 6:10.
Kana mukaiketela kubusiwa ki Jesu? Bibele ibonisa butokwa bwa kueza cwalo:
“Mukuteke mwana [Jesu Kreste], hakusicwalo Mulimu ukahalifa Mi mukayundiswa mwa nzila, Kakuli buhali Bwahae bukatuka kapili. Tabo ki ya batu kaufela babasabela ku Yena.”—Samu 2:12.
Ye ki yona nako yemuswanela kueza keto. Bupolofita bwa mwa Bibele bubonisa kuli Jesu naakalile kubusa mwa 1914 ni kuli honacwale-cwale fa Mubuso wa Mulimu ukayundisa mibuso ya batu kaufela.—Daniele 2:44.
Kuli muzibe zeñata ka za momukona kuyemela bubusi bwa Jesu, mubale taba yeli, “Muswalisane ni Mubuso wa Mulimu Cwale!”
Hape Mwendi Mwakona Kutabela Litaba Ze
TAWALA YA MULIBELELI
Ki Mañi Mulena wa Mubuso wa Mulimu?
Bañoli babañata ba Bibele nebañozi litaba zeneka tusa batu kuziba yanaakaba Mulena wa Mubuso wa Mulimu. Jesu ki yena feela yanaapilile ka kulumelelana ni litaba zene bañozi zeo ka za yanaakaba Mulena.
LITUTO ZA BUTOKWA ZA MWA BIBELE
Mubuso wa Mulimu ki Nto Mañi?
Mwa bukombwa bwahae kaufela, Jesu naalutile hahulu za Mubuso wa Mulimu kufita taba ifi kamba ifi. Balateleli bahae base balapezi ka lilimo-limo kuli Mubuso wo utahe.
LITIMANA ZA MWA BIBELE ZETALUSIZWE
Mateu 6:33 Italusizwe—“Mubate Pili Mubuso wa Mulimu”
Kana Jesu naatalusa kuli Bakreste habaswaneli kusebeza kuli bafumane za kuipilisa ka zona?
KA ZA LUNA
Mukupe Kuli Mutu Yomuñwi Ato Mipotela
Munyakisise puzo yeñwi ka za taba ya mwa Bibele, kamba muitute zeñata ka za Lipaki za Jehova.
