Muvyalumingo vyavindende vili nakwiza, mumafuchi amwe namupwa kusakula vatwamina. Vatu vali nakushinganyeka twamina muka navasakula.

 Vyuma muka yahanjika Mbimbiliya?

 Mbimbiliya yalumbununa vyuma vize vatwamina vavatu kavahasa kulingako.

•   “Kanda namufwelela vilolo, chipwe muli mwanamutu uze keshi kuhasa kumilwilako. [Eji kwechanga kuhwima], kaha eji kukindulukanga kumavu. Vishinganyeka vyenyi vyeji kunonganga halikumbi vene lize.”—Samu 146:3, 4, kwinyikila chamwishi.

 Navatwamina vaze veji kulinganga vyuma vyamwaza navakiko veji kufwanga. Kaha nawa vaze veji kuvashisanga kavatwalaho kulinga vyuma vize valingilenga vakikoko.—Muka-kwambulula 2:18, 19.

 Mbimbiliya yasolola ngwayo vatu kavavatengele mangana valiyulenga vaveneko.

•   “Mutu katwama nangolo jakulitwaminyina iveneko.”—Yelemiya 10:23.

 Uno kuli mutu uze nahase kuyula kanawa vatu makumbi ano tahi?

 Mbimbiliya yalumbununa ngwayo Kalunga atongola twamina wamwenemwene uze afwelela, ikiye Yesu Kulishitu. (Samu 2:6) Yesu ikiye Mwangana waWangana waKalunga, fulumende yize yeji kuyulilanga mwilu.—Mateu 6:10.

 Uno nausakula kukutwaminyina kuli Yesu tahi? Mbimbiliya yasolola ovyo chihula kana chapwila chachilemu:

•   “Vumbikenu mwana, [Yesu Kulishitu] kuchina Kalunga mwapihilila, kaha namunonga nakufuma mujila, mwomwo eji kukwatanga washi matoto. Vawahilila vaze veji kuchinyinanga muli ikiye.”—Samu 2:12.

 Luno lukiko lwola watela kusakula twamina. Upolofweto wamuMbimbiliya wasolola ngwawo Yesu aputukile kuyula mu 1914, kaha kalinwomu waWangana waKalunga ushise jifulumende javatu josena.—Ndanyele 2:44.

 Nge uli nakusaka kulinangula vyavivulu vyomu unahase kukundwijila chiyulo chaYesu, kaha tanga chihande chakwamba ngwavo “Mwomwo Ika Twatela Kukundwiza Wangana waKalunga?”