Vaira wikidiai, gabu idauidau ai taunimanima na be voutimu. Taunimanima na be abi hidimu daika ese bae hakaudia.

 Baibul be dahaka e gwaumu?

 Baibul ese e hamomokaniamu taunimanima e hakaudiamu taudia edia diba na mai hetoana.

•   “Pavapava basio abidadama henidia; taunimanima natuna ta danu basio abidadama henia, ia na asi ena hekaha. Laḡana e dokomu negana ai na ia ese tano e lou heniamu; una dina ai ena lalo-hadai e oremu.”—Salamo 146:3, 4.

 Hegunalai taudia namodia danu be masemu. Danu, asi dibadia edia ḡaukara namodia be daidiai ese bae karadia.—Kohelete 2:18, 19.

 Hereva momokanina na, Baibul ese e hahedinaraiamu taunimanima na dia heḡereḡere sibodia bae hakaua.

•   “Taunimanima ena raka na ia sibona ese basine gwauraia hidi.”—Ieremia 10:23.

 Hari ina negai ita bae gunalaida tauna namona ta noho, eiava?

 Baibul ese e hahedinaraiamu Dirava ese hegunalai tauna namona e abia hidi ḡaukara baine karaia namonamo bona baita abidadama henia diba: Iesu Keriso. (Salamo 2:6) Iesu na Dirava ena Basileia ena King, guba amo e lohiamu gavamanina.—Mataio 6:10.

 Oi be Iesu ena hegunalai karana bo abia daemu, a? Baibul ese bo karaiamu abi hidina ena namo e herevalaiamu:

•   “Natuna [Iesu Keriso] bavabia dae, Dirava baine badu henimui bena dala ai ba mase na garina; badina be ena badu e vara haraḡamu. Dirava e abidadama heniamu taudia na be moalemu.”—Salamo 2:12; NWT.

 Hari na nega namona abia hidi ba karaia. Baibul ena peroveta herevadia ese e hahedinaraiamu Iesu na laḡani 1914 ai e lohia matama bona kahirakahira Dirava ena Basileia ese taunimanima edia gavamani iboudiai baine haoredia.—Daniel 2:44.

 Iesu ena hegunalai karana ba durua dalana ai diba ma haida bavabi totona, ina atikol “Hari Dirava Ena Basileia Oi Durua be Namo!” ba duahia.