Tasba aiska ra wik aula nani ra kuntri manis ra iliksan nani daukbia, bara upla nani ba wahbi sakanka tara kum daukaia nit kabia: tâ brabrira baku yaura wahbi sakaia.

 ¿Naha tânka dukiara Baibil ba dîa wisa?

 Tasba gabamintka nani ba ani pitka kat karnika bri ba dukiara Baibil ba aisisa.

•   “Upla tara nani ra kasakkam lukan ba mangkpara, witin nani sin upla sa, witin nani sip swaki mai sakras; witin nani pruisa bara witin kli tasba yuya ra tawisa; bara baha pali piua ra ai warkka kata lap tiwisa” (Lawana nani 146:3, 4).

 Tasba gabamint tâ bri nani ba sut, dîa warkka nani daukbia kra sin, las kat witin nani pruisa. Baku sin, wark yamni nani daukbia kra sin ningkara ya ai pliska ra aimakbia ba, sim warka yamni nani daukbia sip bîla kaikras (Smasmalkra 2:18, 19).

 Bara Baibil ba marikisa, upla nani ba ai rayaka tâ briaia sip apia sa, Gâd baku paskras kan.

•   “Upla rayaka ba witin mita Dawanka apia sa” (Jirimaya 10:23).

 ¿Naiwa piuara upla kum tâ brabrira pain kum kaia sip sa ki?

 Baibil wisa Gâd ba upla kau sinskira bara kasakkira kum ra tâ brabrira baku mangkan, naha ba Jisas Kraist (Lawana nani 2:6). Witin ba Gâd Kingka lâka Kingka sa, bara baha Kingka lâka ba heven ra sa bara witin, baha wina tâ brisa (Matiu 6:10).

 ¿Man Jisas ra tâ brabrira baku wahbi sâkma ki? Baibil ba marikisa dîa muni naha wahbi sakanka ba tânka tara brisa:

•   “Luhpia ra mayuns [Jisas Krais]; Gâd lawbia sîa, bara man nani yabal ra pruma, kan ai kupia baiwanka ba isti pali lapta takisa. ¡Lilia kira sa ya nani witin ra yukuwaika baku pliki ba!” (Lawana nani 2:12, TNM).

 Nanara wahbi sakanka kum daukaia piua sa. Baibil prapit dahra aisanka ba klir marikisa, Jisas ba mani 1914 ra Gâd Kingka lâka Kingka baku aimaki, tâ briaia tâ krikan. Baibil ba sin wisa tisku Gâd Kingka lâka ba naha tasba gabamintka nani ra sut sauhki tikbia (Daniel 2:44).

 Jisas ra nahki King baku tâ baikaia sip sma ba dukiara, kau nu takaia want sma kaka “Apoyemos ahora el Reino de Dios” ulbi sakanka ba aisi kaiks.