ആളുകൾ തങ്ങളുടെ നേതാ​വാ​യി ആരെ തിര​ഞ്ഞെ​ടു​ക്ക​ണ​മെന്ന പ്രധാ​ന​പ്പെട്ട തീരു​മാ​നം എടുക്കുന്നു.

 ഇതെക്കു​റിച്ച്‌ ബൈബിൾ എന്തെങ്കി​ലും പറയു​ന്നു​ണ്ടോ?

 എല്ലാ മനുഷ്യ​നേ​താ​ക്ക​ന്മാർക്കും ഉള്ള ഒരു പരിമി​തി​യെ​ക്കു​റിച്ച്‌ ബൈബിൾ പറയു​ന്നുണ്ട്‌.

•   “പ്രഭു​ക്ക​ന്മാ​രെ ആശ്രയി​ക്ക​രുത്‌; രക്ഷയേ​കാൻ കഴിയാത്ത മനുഷ്യ​മ​ക്ക​ളെ​യു​മ​രുത്‌. അവരുടെ ശ്വാസം പോകു​ന്നു, അവർ മണ്ണി​ലേക്കു മടങ്ങുന്നു; അന്നുതന്നെ അവരുടെ ചിന്തകൾ നശിക്കു​ന്നു.”—സങ്കീർത്തനം 146:3, 4.

 വളരെ പ്രാപ്‌തി​യുള്ള നേതാ​ക്ക​ന്മാർ ആണെങ്കിൽപ്പോ​ലും അവർ ഒരു സമയം കഴിയു​മ്പോൾ മരിച്ചു​പോ​കും. മാത്രമല്ല, തങ്ങൾ ചെയ്യുന്ന നല്ല കാര്യങ്ങൾ പിന്നീട്‌ വരുന്ന നേതാ​ക്ക​ന്മാ​രും ചെയ്യു​മെന്ന്‌ ഉറപ്പു​ത​രാ​നും അവർക്കു പറ്റില്ല.—സഭാ​പ്ര​സം​ഗകൻ 2:18, 19.

 ശരിക്കും പറഞ്ഞാൽ മനുഷ്യർക്കു​തന്നെ മനുഷ്യ​രെ ഭരിക്കാൻ ഒരിക്ക​ലും കഴിയി​ല്ലെന്നു ബൈബിൾ വ്യക്തമാ​ക്കു​ന്നു.

•   ‘സ്വന്തം കാലടി​ക​ളു​ടെ നിയ​ന്ത്ര​ണം​പോ​ലും മനുഷ്യ​നു​ള്ള​ത​ല്ല​ല്ലോ.’—യിരെമ്യ 10:23.

 നല്ലൊരു നേതാ​വാ​കാൻ പറ്റുന്ന ആരെങ്കി​ലും ഇന്നുണ്ടോ?

 ഏറ്റവും പ്രാപ്‌ത​നായ, വിശ്വ​സി​ക്കാൻ കഴിയുന്ന ഒരു നേതാ​വി​നെ ദൈവം നിയമി​ച്ചി​ട്ടു​ണ്ടെന്ന്‌ ബൈബിൾ പറയുന്നു. ആ നേതാ​വാണ്‌ യേശു​ക്രി​സ്‌തു. (സങ്കീർത്തനം 2:6) സ്വർഗ​ത്തിൽനിന്ന്‌ ഭരിക്കുന്ന ദൈവ​രാ​ജ്യ​ഗ​വൺമെ​ന്റി​ന്റെ രാജാ​വാണ്‌ യേശു.—മത്തായി 6:10.

 നിങ്ങളു​ടെ നേതാ​വാ​യി നിങ്ങൾ യേശു​വി​നെ തിര​ഞ്ഞെ​ടു​ക്കു​മോ? ആ തീരു​മാ​ന​ത്തി​ന്റെ പ്രാധാ​ന്യ​ത്തെ​ക്കു​റിച്ച്‌ ബൈബിൾ പറയുന്നു:

•   “ദൈവ​പു​ത്രനെ (യേശു​ക്രി​സ്‌തു​വി​നെ) ആദരിക്കൂ! അല്ലെങ്കിൽ ദൈവം കോപി​ച്ചിട്ട്‌ നിങ്ങൾ വഴിയിൽവെച്ച്‌ നശിച്ചു​പോ​കും. ദൈവ​ത്തി​ന്റെ കോപം ക്ഷണത്തിൽ ജ്വലി​ക്കു​മ​ല്ലോ. ദൈവത്തെ അഭയമാ​ക്കു​ന്ന​വ​രെ​ല്ലാം സന്തുഷ്ടർ.”—സങ്കീർത്തനം 2:12.

 നിങ്ങൾ തീരു​മാ​ന​മെ​ടു​ക്കേ​ണ്ടത്‌ ഇപ്പോ​ഴാണ്‌. യേശു 1914-ൽ ഭരണം തുടങ്ങി​യെ​ന്നും ദൈവ​രാ​ജ്യം ഉടൻതന്നെ എല്ലാ മനുഷ്യ​ഗ​വൺമെ​ന്റു​ക​ളെ​യും നീക്കി​യിട്ട്‌ ഭൂമിയെ ഭരിക്കു​മെ​ന്നും ബൈബിൾപ്ര​വ​ചനം വ്യക്തമാ​ക്കു​ന്നു.—ദാനി​യേൽ 2:44.

 യേശു​വി​ന്റെ നേതൃ​ത്വ​ത്തെ നിങ്ങൾക്ക്‌ എങ്ങനെ പിന്തു​ണ​യ്‌ക്കാ​മെന്നു കൂടുതൽ മനസ്സി​ലാ​ക്കാൻ “ദൈവ​രാ​ജ്യ​ത്തിന്‌ ഇപ്പോൾ പിന്തുണ കൊടു​ക്കാം!” എന്ന ലേഖനം വായി​ക്കുക.