Maseualmej moneki kitlapejpenisej se tlamantli tlen tlauel ipati: ajkia kinekij ma kinnauati.

 ¿Tlake kiijtoua Biblia tlen ni tlamantli?

 Biblia kiijtoua se tlamantli tlen kinpano nochi tlanauatianij.

•   “Amo ximotemachikaj ipan uejueyij tlakamej tlen kipiaj tekiuejkayotl, niyon ipan se tlen ueli tlakatl pampa niyon se tlakatl axuelis mitsmakixtis. Pampa se tonal mikisej nochi tlakamej uan mokuepasej tlali. Kena, tlamis ininijiyo uan ininyolis, uan ika se tlalochtli tlamis nochi tlen moiljuijtoyaj kichiuasej” (Salmo 146:3, 4).

 Nochi tlanauatianij mikij maske sekij kuali kichiuaj ininteki. Maske kichijkej tlamantli tlen kuali, amo kimatij tlaj katli kintekipatlas nojkia kiampa kichiuas (Eclesiastés 2:18, 19).

 Biblia kiijtoua maseualmej amo kinchijchijkej ininselti ma monauatikaj.

•   “Se tlakatl [...] axyajaya tlen kinauatis tlen panos ipan iojui” (Jeremías 10:23).

 Ipan ni tonali, ¿itstok se akajya katli uelis elis se kuali tlanauatijketl?

 Biblia kiijtoua toTeotsij kitekimakatok Jesucristo pampa ya kuali kimachtijtok kenijkatsa tekichiuas uan uelis timotemachisej ipan ya (Salmo 2:6). Ya eli Tlanauatijketl tlen toTeotsij iTlanauatijkayo, tlen eltok iluikak uan nopaya tekichiua (Mateo 6:10).

 ¿Tijtlapejpenis Jesús ma mitsnauati? Biblia kiijtoua kenke moneki tijtlapejpenisej ni tlamantli:

•   “Ximotlankuaketsakaj iixpa ikone TOTEKO ika majmajtli uan xijtsoponikaj. Intla axtle, uelis intlalochmikisej pampa yajaya nimantsi kualani. Pero nelia pakij tlakamej tlen motemachiaj ipan ya para ma kinpaleui” (Salmo 2:12).

 Nama moneki tijtlapejpenisej tlake tijchiuasej. Tlajtolpanextili tlen ijkuilijtok ipan Biblia kinextia Jesús pejki tlanauatia ipan 1914. Tlajtolpanextili nojkia kiijtoua toTeotsij iTlanauatijkayo nechka kintekipatlas nochi tlanauatianij (Daniel 2:44).

 Tlaj tijneki tijmatis kenijkatsa uelis tijpaleuis Jesús iTlanauatijkayo, xikita nopa tlamachtili “¡Nama xijpaleui toTeotsij iTlanauatijkayo!”.