Semanas tlen uajlauej, ipan seki países notlapejpenis akinon tlanauatis niman miyekej noneki kuajli kitlapejpeniskej akinon kinekij makinyekana.

 ¿Tlenon kijtoua Biblia?

 Biblia kiteneua itlaj tlen tlaltikpakchanejkej akin nikan tekiuajtij xuelij kichiuaj.

•   “Maka xtlali moyojlo intech on tlakamej yejuan uejueyixtokej, pampa on san tlakamej yejuan xuelij temakixtiaj. Ijkuak mikij, tlaltiaj, niman ipan on tonajli tlami nochi iminplanes” (Salmo 146:3, 4).

 Nochimej tekiuajkej maski tlamachilisejkej niman uejueyixtokej, mikiskej. Niman maski melak kuajli ken otlanauatijkej, xuelij kichiuaj ika akin sakin tlanauatiskej noijki ijkon makichiuakan (Eclesiastés 2:18, 19).

 Biblia noijki techijlia ika tlaltikpakchanejkej xkeman ueliskej san yejuamej noyekanaskej.

•   “Se tlaltikpakchane nion xkimati kanon cholos ijkuak nejnemi” (Jeremías 10:23, Traducción del Nuevo Mundo).

 ¿Ipan yejuin tonaltin nemi yakaj akin uelis kuajli techyekanas?

 Biblia techijlia ika toTajtsin yokitlapejpeni yakaj akin kimelaua matlanauati, akin tlamachilise niman kojtik, Jesucristo (Salmo 2:6). Jesús tekiuaj itech itekiuajyo toTajtsin niman yejuin gobierno tlayekantika desde ne iluikak (Mateo 6:10).

 ¿Tiktlapejpenis Jesús ken tekiuaj? Biblia techijlia tleka melak kuajli tla ijkon tikchiuaj:

•   “Xmotlakuantelketsakan ixpan [Jesucristo] ikan nemojtijli, para maka yej kualanis [toTajtsin], niman amanaman nenmikiskej. ¡Sanoyej pakiskej yejuan itech yejua nomanauiyaj!” (Salmo 2:12).

 Aman noneki tiktlapejpenis akinon tikneki mamitsyekana. Teotlajtoltin tlen uajlauej ipan Biblia techititia ika Jesús opeuj tlayekana ipan 1914, noijki techijlia ika itekiuajyo toTajtsin kinpopolos nochimej tekiuajkej akin nemij ipan yejuin tlaltikpaktli (Daniel 2:44).

 Tla tikneki tikmatis kenon tikpaleuis itekiuajyo Jesús, xpoua tlamachtijli “Matikpaleuikan iTekiuajyo toTajtsin”.