Eemvekeni ezimbalwa ezilandelako, kuzokuba namakhetho eenarheni ezihlukahlukeneko ephasini mazombe. Abantu bathatha iinqunto eziqakathekileko ngokuthi bazokukhetha baphi ababusi.

 Lithini iBhayibheli?

 IBhayibheli likhuluma ngezinto boke ababusi ababhalelwa kuzenza.

•   “Ningathembeli emakhosaneni namkha endodaneni yomuntu, engekhe yaletha isindiso. Lokha nakangasaphefumuli, ubuyela ehlabathini; ngelangelo imicabangwakhe iyatjhabalala.”—IRhubo 146:3, 4.

 Nababusi ababonakala banekghono, ekugcineni bazokuhlongakala. Ngaphezu kwalokho, angekhe baqinisekise ukuthi imisebenzi abayenzileko izokuragela phambili ngemva kokuthi sele bahlongakele.—UMtjhumayeli 2:18, 19.

 Iqiniso kukuthi iBhayibheli lisivezela bona abantu bekungakafuzi bazibuse.

•   “Umuntu akakghoni ukunqophisa ngitjho namagadangwakhe.”—Joromiya 10:23.

 Kghani ukhona umbusi ongababusa kuhle abantu namhlanjesi?

 IBhayibheli lihlathulula ukuthi uZimu uzikhethele umbusi onekghono nothembekileko: UJesu Krestu. (IRhubo 2:6) UJesu uyiKosi yomBuso kaZimu, okumbuso obusa usezulwini.—Matewu 6:10.

 Kghani uzokukhetha ukubuswa nguJesu na? IBhayibheli liveza ukuqakatheka kombuzo lo:

•   “Hloniphani indodana [uJesu Krestu], naningenzi njalo, uZimu uzokusilingeka nibhujiswe endleleni yokulunga, ngombana ilaka lakhe livutha msinyana. Bayathaba boke abaphephela kuZimu.”—IRhubo 2:12.

 Nje, sikhathi sokuthi uthathe isiqunto sakho. Isiphorofido seBhayibheli siveza ukuthi uJesu wathoma ukubusa ngo-1914 nokuthi ingasikade umBuso kaZimu uzokujamiselela yoke imibuso yabantu.—Danyela 2:44.

 Bona ufunde okungeziweko ngokuthi ungakusekela njani ukubusa kwakaJesu, funda isihloko esithi “Khetha Ukusekela UmBuso KaZimu Kusese Nje!”