Mwalululu apa, abandu mfisu ifyakukindanakindana bikuya pakuvota ukuti basale undongosi. Abandu bikubikapo indumbula fiyo ukuti basale undongosi uyu bikulonda.

 Ngimba Ibaibolo likuyoba isyafiki?

 Ibaibolo likulingania inongwa iyi abalongosi bosa aba bundu bali numpaka.

•   “Mungasubilagha mbanyafyale, umundu uyu bukayamo ubutuli mmyake. Uyu linga umuyi wake ghukusokamo ikughomokela ku mfu wake; mwisiku lilalila syosa isi atendekisye sikumalika.”—Salimo 146:3, 4.

 Nalinga bo balongosi aba bikuboneka ukuti babaghile ukubomba kanunu, bope bikufwa. Kangi bakabaghila ukumanya linga umundu uyu ikuya pakwingila mmalo mwabo, abaghile ukukindilila ukubomba ifindu ifinunu ifi babombagha.—Undumbilili 2:18, 19.

 Ubwanaloli bo bwakuti, Ibaibolo likufumbula ukuti abandu bakapeliwe ukuti bilongosyeghe bene.

•   “Umundu akabaghila ukutalula munjila iyi ikwendamo.”—Yeremiya 10:23.

 Ngimba alipo yumo uyu abaghile ukubalongosya kanunu abandu amasiku agha?

 Ibaibolo likulingania ukuti Kyala ansalile undongosi wamahala nunsubiliwa: Yesu Kristu. (Salimo 2:6) Yesu yo Mwalafyale wa Bunyafyale bwa Kyala, iboma ili likulaghila ukufuma kumwanya.—Matai 6:10.

 Ngimba mukuya pakwitika ukuti Yesu yo abalongosyeghe? Ibaibolo likulingania ubununu ubu bukuyapo linga musalile bo ulu:

•   “Amwilambeghe kwa [Yesu Kristu], pamo Kyala, ko kuti aleke ukubakalalila, ukuti po mwende nukwagha itolo, papo ingalallisi syake sitikuhaba ukwaka ukuti moto. Basayiwa aba bikwibilila mmyake.”—Salimo 2:12.

 Aka ko kabalilo kakuti mubombepo simo. Ubusololi bwa mu Baibolo bukunangisya ukuti Yesu alyandile ukulaghila mu 1914 kangi mwalululu Ubunyafyale bwa Kyala bukuya pakwingila mmalo mwa maboma ghosa gha bandu.—Danieli 2:44.

 Ukuti mumanye nyingi isyakufwana namuno mubaghile ukuyila kulubafu lwa bulaghili bwa Yesu, belenga inkhani iyakuti “Sankhani Kuŵa ku Chigaŵa cha Ufumu wa Chiuta.”