SIGUI VIGILÁ!
Ken Abo Lo Skohe Komo Bo Lider?—Kiko Beibel Ta Bisa?
Hopi hende ta tumando desishon importante enkuanto ken nan ta skohe komo nan lider.
Kiko Beibel ta bisa tokante gobernashon humano?
Gobernante humano tin nan limitashonnan
Beibel ta bisa ku tur gobernante humano tin algu en komun.
“No pone bo konfiansa den hende ku tin poder ni den niun otro hende, pasobra nan no por salba bo. Ora nan stòp di hala rosea, nan ta bolbe bira tera. Riba e dia ei, nan ta stòp di pensa.”—Salmo 146:3, 4.
Asta e mihó gobernantenan lo muri un dia. Ademas, nan no por sòru pa e gobernantenan ku ta bini despues di nan sigui ku e kosnan bon ku nan tabata hasi.—Eklesiástes 2:18, 19.
Bon mirá, Beibel ta bisa ku nunka no tabata Dios su propósito pa hende goberná nan mes.
“No ta keda na un persona pa e mes dirigí su pasonan.”—Yeremías 10:23.
Tin un persona den nos tempu ku sí ta un bon gobernante?
Un lider ku tin Dios su aprobashon
Beibel ta splika ku Dios mes a skohe un lider. E ta e mihó lider ku tin, i e ta konfiabel. E lider ei ta Hesukristu. (Salmo 2:6) Hesus ta Rei di e Reino di Dios, un gobièrnu ku ta goberná for di shelu.—Mateo 6:10.
Pero, kiko di abo? Bo a aseptá Hesus komo bo lider? Den Beibel, nos ta mira kon importante e desishon ei ta:
“Onra e yu [Hesukristu], sino Dios lo rabia i boso lo muri, pasobra Dios su rabia por lanta lihé. Felis ta tur hende ku ta buska protekshon serka Dios.”—Salmo 2:12.
Awor ta tempu pa disidí. E profesianan den Beibel ta revelá ku Hesus a kuminsá goberná na 1914, i ku pronto Dios su Reino lo remplasá tur e gobièrnunan humano.—Dánièl 2:44.
Pa mas informashon tokante kon abo por apoyá Hesus komo bo lider, lesa e artíkulo: “Skohe pa Apoyá e Reino di Dios Awor!”
Otro Artíkulo Interesante
E TOREN DI VIGILANSIA
Ken Ta Rei di e Reino di Dios?
Vários eskritor di Beibel a duna detaye ku por yuda nos identifiká e persona ku lo bira Rei di e Reino di Dios. Den henter historia humano, tin un hende so ku ta kuadra ku e deskripshon ei.
SIÑANSA DI BEIBEL
Kiko e Reino di Dios Ta?
Tempu Hesus tabata riba tera, el a papia mas tantu tokante e Reino di Dios ku kualke otro kos. Pa hopi siglo su siguidónan a pidi den orashon pa e Reino ei bini.
MAS TÓPIKO
Berdadero Speransa pa un Mihó Futuro
Dikon e promesanan ku tin den Beibel ta diferente for di e promesanan ku hende ta hasi i for di loke hende ta bisa lo sosodé den futuro?
PREGUNTA KU BEIBEL TA KONTESTÁ
Kiko e Reino di Dios Lo Hasi?
Haña sa ki bendishon bo por ferwagt ora e Reino di Dios ta goberná e tera.
TOKANTE NOS
Pidi un Bishita
Papia tokante un tópiko di Beibel òf haña sa mas tokante Testigunan di Yehova.
