Hopi hende ta tumando decision importante encuanto ken nan ta scoge como nan lider.

 Kico Bijbel ta bisa tocante gobernacion humano?

 Bijbel ta bisa cu tur gobernante humano tin algo en comun.

•   “No pone bo confianza den hende cu tin poder ni den niun otro hende, pasobra nan no por salba bo. Ora nan stop di hala rosea, nan ta bolbe bira tera. Riba e dia ey, nan ta stop di pensa.”—Salmo 146:3, 4.

 Hasta e mihor gobernantenan lo muri un dia. Ademas, nan no por garantisa cu e gobernantenan cu ta bin despues di nan lo sigui cu e cosnan bon cu nan tabata haci.—Eclesiastes 2:18, 19.

 Bon mira, Bijbel ta bisa cu nunca no tabata Dios su proposito pa hende goberna nan mes.

•   “No ta keda na un persona pa e mes dirigi su pasonan.”—Jeremias 10:23.

 Tin un persona den nos tempo cu si ta un bon gobernante?

 Bijbel ta splica cu Dios mes a scoge un lider. E ta e mihor lider cu tin, y e ta confiabel. E lider ey ta Hesucristo. (Salmo 2:6) Hesus ta Rey di e Reino di Dios, un gobierno cu ta goberna for di cielo.—Mateo 6:10.

 Pero, kico di abo? Bo a acepta Hesus como bo lider? Den Bijbel, nos ta mira con importante e decision ey ta:

•   “Honra e yiu [Hesucristo], sino Dios lo rabia y boso lo muri, pasobra Dios su rabia por lanta lihe. Feliz ta tur hende cu ta busca proteccion cerca Dios.”—Salmo 2:12.

 Awor ta tempo pa dicidi. E profecianan den Bijbel ta revela cu Hesus a cuminsa goberna na 1914, y cu pronto Dios su Reino lo reemplasa tur e gobiernonan humano.—Daniel 2:44.

 Pa mas informacion tocante con abo por apoya Hesus como bo lider, lesa e articulo: “Scoge pa Apoya e Reino di Dios Awor!”