Pipol bae mekem important disison for chusim hu nao bae kamap leader blo olketa.

 Wat nao Bible talem abaotem diswan?

 Bible storyim why nao hem olsem.

•   “Yufala mas no trastem olketa lida blong wol ya. Ya, yufala mas no dipen long eni man, bikos olketa ya i no save sevem yufala. Taem olketa ya i dae, olketa gobaek moa long graon, an evri plan blong olketa hemi nating save kamap nao.”—Sams 146:3, 4, SIPB.

 Nomata wanfala man hem fit for lead bae gogo hem dae tu. And for sure, olketa wea bae kamap leader bihaen bae no duim waka olsem hem moa.—Ecclesiastes 2:18, 19.

 Bat tru samting nao, Bible storyim olketa man no fit for leadim olketa seleva.

•   “Mi save dat no eni man save mekem laef blong hem fo kamap barava olsem hemi laekem. Hemi kanduit kamap bos long laef blong hem.”—Jeremaea 10:23, SIPB.

 Hao, eniwan fit for kamap wanfala gud leader lo taem blo iumi?

 Bible hem storyim God hem appointim wanfala leader wea barava fit and iumi savve trustim: Jesus Christ. (Psalm 2:6) Jesus hem King lo Kingdom blo God, wanfala gavman wea rul kam from heven.—Matthew 6:10.

 Hao, bae iu acceptim Jesus for kamap leader blo iu? Bible hem storyim why disfala kwestin hem barava important:

•   “Hemi gud wea yufala i barava tinghae long [Jehovah], an yufala mas baodaon long san [Jesus Christ] blong hem. Sapos nomoa, bae hemi kros, an no long taem bae yufala dae nao ya. Evriwan wea i go long hem fo hemi gadem olketa, olketa nao i hapi.”—Sams 2:12, SIPB.

 Distaem nao hem taem for disaed. Bible profesi storyim Jesus hem start for rul lo 1914 and klosap nao Kingdom blo God bae finisim evri gavman blo olketa man—Daniel 2:44.

 For lanem moa samting abaotem hao for iumi sapotim lead blo Jesus, readim disfala article “Chus for Sapotim Kingdom blo God Distaem!”