¡NAʼLIK OQ AWACH!
¿Ajwach ne inachih i hat reh chi ne intaqʼanik?—¿Chajariik iruqʼor i Santo Laj Huuj?
Chupaam taqeh xamaano chalik reh, chupaam juʼjun taqeh tinamit nakichihim ajwach narukahniik chi ajabʼees. Eh reʼ taqeh kʼachareel nakichihim ajwach inkaaj chi ne intaqʼanik chi kinaah.
¿Chajariik iruqʼor i Santo Laj Huuj chi riij i wilih?
Reʼ taqeh ajtaqʼaneel winaq maʼ inkibʼan ta rubʼan chuʼnchel
Reʼ Santo Laj Huuj iruqʼor chajariik maʼ inkibʼan ta rubʼan taqeh ajabʼees.
«Maayeew taq ak’ux chikinaah i ajaab’ees Ni xata chinaah chik jino’q i winaq ruum re’ reh xama’ inko’linik ta wo’ hoq. Eh noq inkimik kisutinik wo’ chik chi pooq ak’al. Eh xa chupaam i q’iij re’ re’ insahchik wach aha’ naq wilik taqe i rukapaaj rub’aan» (Salmo 146:3, 4).
Chuʼnchel taqeh ajtaqʼaneel winaq kikimik atoobʼ ta mareh inkibʼan chi korik i kikamaj. Eh atoobʼ ta inkibʼan i holohik, maʼ kehtal ta mi reʼ i narokiik chi jilow na woʼ rubʼanam i wilih (Eclesiastés 2:18, 19).
Reʼ Santo Laj Huuj iruqʼor chi reʼ taqeh i winaq maʼ xikorsjik ta reh chi ne kitaqʼanik chi kinaah i tokoom.
«Re’ winaq ma’ ehchan ta reh i ruk’achariik chi rib’il riib’» (Jeremías 10:23).
¿Mi wilik ta woʼ jenoʼ yuʼnaak i ne rubʼan chi korik i taqʼanik?
Reʼ ajtaqʼaneel rupahbʼaam i Dios
Reʼ Santo Laj Huuj iruqʼor chi reʼ Dios xusikʼ wach i Jesús reh chi ne intaqʼanik ruum chi reʼ reh inchol taqʼanik eh ne rubʼan chi ne inqakoj qakʼux ruukʼ (Psalm 2:6). Reʼ Jesús i ajabʼees reh i Rajaawriik i Dios, jenaj ajaawriik wilik pan taxaaj eh intaqʼanik ar (Matteo 6:10).
¿Mi naʼachihim i Jesús reh chi ne intaqʼanik? Reʼ Santo Laj Huuj iruqʼor chaaj woʼ reet ko ruman chi ne inachih i wilih:
«Chayeew taq ruloq’il i Ak’uunb’ees [Reʼ Jesucristo], reh chi ma’ nee ta nchalik ruk’aah [i Dios], eh ma’ nee ta taq tikimik na’chub’an. Chawik’raaj taq manqop wach i rujosq’iil taq cha naah» (Salmo 2:12).
Ko ruman chi yuʼnaak ne inachih wach chajariik naʼabʼanam. Reʼ taqeh qʼorooj cho rubʼiral pan Santo Laj Huuj irukʼuhtaaj chi reʼ Jesús xutikʼaʼ taqʼanik pan 1914. Reʼ taqeh qʼorooj cho rubʼiral inkiqʼor woʼ hoq chi reʼ Rajaawriik i Dios narusacham kiwach chuʼnchel taqeh ajaawriik ayuʼ naah akʼal eh xa reʼ reh narukahniik chi taqʼanik (Daniel 2:44).
Mi inawaaj anabʼeem nikʼwach ne inakoj awiibʼ ruukʼ i rajaawriik i Jesús, chawil wach i huuj «Apoyemos ahora el Reino de Dios».
Puede que también le interese
CHI QIIJ I HOJ
Chapahqaaj chi ne kiponik awuukʼ taqeh testigo reh Jehová
Chanabʼeej chajarik iruqʼor i Santo Laj Huuj eh jeʼ woʼ chi kiij taqeh testigo reh Jehová.
