Runasqa piensashankuña pitachus presidente kananpaj ajllanankupi.

 ¿Imatá Biblia nin chaymanta?

 Biblia niwanchej imatachus tukuy gobiernos mana ruwayta atisqankuta.

•   “Ama kamachejkunapi atienekuychejchu nillataj waj runaspipis, paykunaqa mana salvayta atinkuchu. Runa wañojtenqa jallpʼaman kutipun. Chay kikin pʼunchaytaj tukuy ima yuyasqanpis chinkapun” (Salmo 146:3, 4).

 Aswan sumaj yuyayniyoj presidentespis wañuponqanku. Paykunaqa mana niyta atinkuchu allin imasta ruwasqankuta qhepan kaj presidente ruwanallantapuni (Eclesiastés 2:18, 19).

 Biblia nisqanman jina, runasqa mana purajmanta kamachinakunapajchu ruwasqa kanchej.

•   “Runaqa mana nillaytapis atinchu imatachus kausayninpi ruwananta” (Jeremías 10:23).

 Kay tiempopi, ¿pitaj uj sumaj presidente kanman?

 Bibliaqa niwanchej Dios uj sumaj presidenteta ajllasqanta, atienekunapaj jinataj kasqanta. Chay presidenteqa Jesucristo (Salmo 2:6). Jesusqa Diospa Gobiernonpi Rey jina kamachenqa, cielomantapachataj kamachimonqa (Mateo 6:10).

 ¿Jesuspa kamachiyninpi kaytachu ajllanki? Bibliaqa imatachus ajllanata niwanchej.

•   “Diospa wawanta jatunchaychej. Pajtataj Diosqa phiñakuspa kausay ñanmanta chinkachisunkichejman. Imajtinchus payqa ujllata sinchʼita phiñakun. Kusisqamin kanku Diospi tukuy pakakojkunaqa” (Salmo 2:12).

 Kunan ajllananchej tiyan imatachus ruwanata. Bibliaj profeciasnenqa niwanchej Jesús 1914 watapi kamachiyta qallarisqanta, pisimantawantaj paylla Diospa Gobiernopi tukuy gobiernospa cuentanmanta kamachinanta (Daniel 2:44).

 Jesusta kamachejninchejta jina qhawanamanta astawan yachakunaykipaj “Diospa Gobiernonta kunan maskʼana” nisqa yachaqanata leeriy.