Tucui runauna ali iyaihua ajllana anun maican paigunara mandachu.

 Biblia caimanda ¿imara nin?

 Biblia riman tucui mandaj runauna mana pactachina ushanun paiguna munashcara rimashcaras.

•   “Camba quirinara mandajcunai ama churaichichu mana maican runais, paiguna quishpirinara mana apamuna ushashcamanda. Paihua espíritu llucshijpi runa allpama tigran; chi punzhallaira paihua iyaiguna tucurinun” (Salmo 146:3, 4, nota).

 Tucui mandaj runauna shinzhi ushaira charij ashas huañununmi. Astaumbas ali cosasgunara ruranujpis huaquin huasha mandangaj shamujcuna paiguna ali tarbanara mana rurasha catinun (Eclesiastés 2:18, 19).

 Biblia intindichin runauna mana rurashca anun paigunallara mandangaj.

•   “Shu runa mana dirichu charin [...] paihua purinara pushangaj (Jeremías 10:23).

 ¿Cuna punzhai maican alira mandaj tianzhu?

 Biblia intindichin Yaya Dios mas alira mandajta ajllashca, pai an Jesucristo (Salmo 2:6). Diospa Reinomanda Rey apu an, cai mandana ahua pachai tian ahua pachamanda mandan (Mateo 6:10).

 ¿Can Jesusta ajllanguichu mandangaj? Biblia riman imarasha paita ajllana anchi:

•   “Churira [Jesucristo] ahuayachichi; manajpi, Yaya Dios piñaringa cangunas ñambii huañunguichimi, paihua piñarina ujtalla sindirin. !Cushiunami paihuajpi tucui miticujcuna!” (Salmo 2:12).

 Cuna timpumi an alira ajllangaj. Biblia profeciaguna ricuchishca cuinta Jesús 1914 huatai ña mandangaj callarica. Shinallara profeciaguna ricuchin ñallami Diospa Reino runa mandanaunara tucuchisha tucuira mandangaj saquiringa (Daniel 2:44).

 Jesuspa mandana partimanda imasna tucuna ushashcara yachangaj munasha “Apoyemos ahora el Reino de Dios” nishca temara leangui.