Gentecunaca picuna paicunata gobernachun munashcatami agllanajun.

 Caimandaca Bibliapica ¿imatata nin?

 Cai alpapi gobiernocunamandaca Bibliapica caitami nin:

•    “Mandajcunatapash, huañuna aichayu runatapash, na yariashpa causanachu canguichi. Paicunaca, na quishpichi ushanllu. Paicunapaj samai anchurijpica, alpallatami tigran. Imata yarijushcapash, chai punllallatami tucurin” (Salmo 146:3, 4).

 Tucui gobernantecunallatami ashtaca cosascunata rurai ushashpapash huañushpa tucurin. Paicuna ali cosascunata rurashca cashpapash paicunapa randi shujcuna gobernai callarijpica shina alita rurashpa catichunga na seguro caita ushanllu (Eclesiastés 2:18, 19).

 Bibliapica gentecuna paicunapurallata gobernarishpa causachun Taita Dios na rurashcatami nin.

•    Runaca paipa “causaitaca na mandai ushanllu” (Jeremías 10:23).

 Cunan punllacunapica ¿pita shuj ali gobernante cai ushan?

 Bibliapica Taita Diosca shuj alipacha gobernanteta agllashcatami yachachin. Chai gobernanteca Jesucristomi can (Salmo 2:6). Jesusca Taita Diospa Gobiernopimi rey can. Chai gobiernoca jahua cielomandami mandajun (Mateo 6:10).

 ¿Jesús quiquinba rey cachun agllagripanguichu? Bibliapica Jesusta rey cachun agllana imamanda importante cashcatami ricuchin:

•    “Pai fiñarijpi ñambi ama huañungapaca, paipaj Churitami alicachina canguichi. Paica, nina japirinshna ñapash fiñarinllami. Paita yariashpa causajcunaca, tucuicunami ninanda cushijun” (Salmo 2:12).

 Bibliapica Jesús 1914 huatapi mandai callarishcatami yachachin. Shinallata Taita Diospa Gobierno cai alpapi gobiernocunata ñalla tucuchishpa saquinatapashmi yachachin. Chaimi cunanmandallata pi ñucanchita gobernachun munashcata decidina capanchi (Daniel 2:44).

 Rey Jesusta imashina apoyai ushashcata yachangapaca “Taita Diospa Gobiernota cunanmandallata apoyapashunchi” nishca temata liipangui.