KIA MATAKITE!
Koai Taau Arataki ka Iki?—Eaa ta te Pipiria e Akakite Maira?
Te rave nei te tangata i te au ikianga puapinga e koai ta ratou au arataki ka iki.
Eaa ta te Pipiria e akakite maira?
Kua kotingaia ta te au arataki tangata ka rave
Te akakite maira te Pipiria i tetai kotinga o te au arataki tangata.
“Auraka e irinaki ki te ui ariki, i te tamaiti a te tangata nei, kare oki ona ora. Te riro nei oki tona vaerua, te oki nei aia ki tona ra one; kore rava atura tana i akakoro i taua rā ra.”—Salamo 146:3, 4.
Aere ua rai ka mate te au arataki meitaki. E tetai katoa, kare e papu ia ratou me ka akatupuia rai ta ratou au angaanga meitaki e te aronga ka mono mai ia ratou.—Koheleta 2:18, 19.
Ko te tika, te akakite maira te Pipiria e kare rava i orongaia te tikaanga ki te tangata kia akatere ia ratou uaorai.
“Kare tei te tangata e aere nei, i te akono i tona uaorai takainga tapuae.”—Ieremia 10:23.
Ka rauka ainei i tetai te aratakianga meitaki i teia tuatau?
Okotai arataki tei ikiia e te Atua
Te akamārama maira te Pipiria e kua iki te Atua i tetai arataki tukatau tei irinakiia: ko Iesu Karaiti. (Salamo 2:6) Ko Iesu te Ariki o te Patireia o te Atua, e kavamani te ka tutara mai mei te rangi.—Mataio 6:10.
Ka iki ainei koe i ta Iesu aratakianga? Te akaari maira te Pipiria i te tumu puapinga o te reira ikianga:
“Ka ongi ana i te Tamaiti [ko Iesu Karaiti] ra, ko te riri aea aia, mate iora kotou i te arataa ra; kare oki tona riri e roaia kua tupu; e ao to te aronga e irinaki Iaia.”—Salamo 2:12.
Ko teia te taime kia iki i taau ikianga. Te akaari maira te totou Pipiria e kua tutara ke ana a Iesu i te mataiti 1914 e kare e roa atu ka mono te Patireia o te Atua i te au kavamani a te tangata.—Daniela 2:44.
Kia kite maata atu akapeea koe me turu i ta Iesu aratakianga, e tatau i te atikara “E Turu i te Patireia o te Atua i Teianei!”