KONTINIÉ VÉYÉ !
Kèl chèf zot va choizi ? Sak la Bib i ladsi
Bann domoun i pran in désizion inportan kan zot i choizi sak i sa dirij azot.
Kosa la Bib i ladsi ?
Bann zom politik néna bann limit
La Bib i di ké bann zom politik i gingn pa fé tout zafèr.
« Fé pa konfians bann prins, ni in not moun ké lé pa kapab sov azot. Lo souf lom i sort, lom i rotourn dan la tèr ; jour la, son bann bann pansé i égzis pu » (Psom 146:3, 4, ti not).
Mèm lo chèf politik lo pli gabié in jour va mor. An plis, lé pa sur ké sak i vien apré li, va lès an plas lo bann bon zafèr li la fé (Éklézias 2:18, 19).
An vré, kom la Bib i di, jamé bann zom té doi dirij azot zot mèm.
« Lé pa lom k’i march i doi dirij son bann pa » (Jérémi 10:23).
Èské i pé trouv in bon chèf jordi ?
In chèf ké Bondié lé dakor avèk
La Bib i amont ké Bondié la choizi lo méyèr chèf : Jézu Kris, ké lé kapab é ké nou pé fé konfians (Psom 2:6). Jézu lé lo Roi roiyom Bondié. Li dirij gouvèrnman la dépi dann sièl (Matié 6:10).
Èské zot va choizi Jézu kom chèf ? La Bib i mont pou kosa lé inportan choizi ali :
« I fo done lonèr lo garson [Jézu Kris], sinon sa Bondié va nèrvé é zot sra détrui, parské vitman son kolèr va monté. Sak i kour kachièt koté Bondié sra kontan » (Psom 2:12).
Sé koméla mèm k’i fo zot i désid. Bann profési la Bib, i mont ké Jézu la komans èt roi an 1914 é ké biento lo roiyom Bondié va ranplas tout gouvèrnman su la tèr (Danièl 2:44).
Pou konèt koman zot i pé soutien lo gouvèrnman Jézu lir lartik « Choisissez de soutenir le royaume de Dieu dès maintenant ! ».
Agard sa osi…
TOUR DE GARD
Kisa i lé le Roi dann roiyom Bondieu ?
Anparmi sak la ékri la Bib, néna in bonpe la donn bann zinformasion su le moun ke té sa devnir Roi le roiyom Bondieu. Anparmi tout domoun ke la viv su la tèr, néna rienk in seul moun i konkord bien avèk tout sak nou vièn dékri an o la.
ESSENTIAL BIBLE TEACHINGS
Kosa i lé le Roiyom Bondieu ?
Kan li lété su la tèr, Jézu té i koz surtou su le Roiyom Bondieu. Depui tré lontan, son bann disip i pri pou ke se Roiyom i ariv.
