Mu nsunda zikeeza, kusala kwa babusi kaku pangahale mwi nkaanda mu cisi coonse. Bantu bakweete kuhinda muhato wa butokwa kuamana ni muyendisi yeete basale.

 IBibele iwambanzi?

 IBibele itondeza kufokola kwa Bayendisi boonse ba bantu.

•   “Kaanzi musepi manduna kamba kusepa mwaana muntu, yasawooli kuhaza. Luhuho lwaakwe luzwa kwaali, iye uboolela kwi suko; mwelyo izuba, mihupulo yaakwe imana.”—Lisamu 146:3, 4, indaba za kuunsi.

 Nangati bayendisi beene basepetwe naabo bafwa. Kuzwaho, kabasepi kuti babayola ka bazwiile-habusu ni kupanga misebezi milotu ibabasiyi.—Muwambi 2:18, 19.

 Buniti njobunu, iBibele itondeza kuti bantu keena babahewa intukelo ya kuliyendisa abo beene.

•   “Muntu yoyenda kaa wooli nihaiba kuetelela milyaato yaakwe.”—Jeremiya 10:23.

 Kana kwiina yowoola kuyendisa hande suunu?

 IBibele italusa kuti iLeza iye mwiine abasali muyendisi yowoola kubusa ni yosepahala, Jesu Kreste. (Lisamu 2:6) Jesu njiyena Simwiine wa Mubuso wee Leza, muuso ubusa kuzwa kwi wulu.—Matewu 6:10.

 Kana ka musale kutambula Jesu kuti abe muyendisi weenu? IBibele itondeza ibaka iyi mpuzo hayili ya butokwa:

•   “Mukuteke mwaana [Jesu Kreste], hamusapangi bulyo iLeza kaa kalihe mi kamuyundiswe mwi nzila, kakuti bukali Bwaakwe kabubbukuke kapili. Kusaanga kwa bantu boonse batilila Kwaali.”—Lisamu 2:12.

 Hanu nji nako yeenu ya kuhinda muhato. Bupolofita bwe Bibele butondeza kuti Jesu abatangi kubusa mu cilimo ca 1914 mi hahanu Mubuso wee Leza kawuyole mibuso yoonse ya bantu.—Danyele 2:44.

 Kuti mulitute ziingi kuamana ni mumuwoolela kuzimanina buyendisi bwa Jesu, mubale indaba yahe webbusaiti icokuti “Musale Kuzimanina Mubuso wee Leza Hanu!”