Omu migobe misungunu yayisha, obulondozi bwajirwa omu bihugo mberuluka omw’igulu lyoshi. Abantu bali barhôla emihigo y’obulagirire lugenda barhegesi bahi bacishoga.

 Bici Ebibliya edesire?

 Ebibliya eyerekine obuhashe abarhegesi bene bantu boshi barhajira.

•   “Mumanye mwakakâlangalira abaluzi [abarhegesi], nisi erhi okucîkubagira iburha ly’omuntu elirhaciza, erhi omûka gumurhengamwo anashubire omu budaka; n’obwo emihigo yage yoshi ehirigirhe.”​—Ennanga 146:3, 4.

 Ciru n’abarhegesi b’obuhashe bunji banahikire aha bafâ. Kandi, barhakahash’iyemeza abantu n’obwalagale oku abarhegeka enyuma zabo bagendekeza emikolo yabo minja.​—Omuhanûzi 2:18, 19.

 Okuderha okuli, Ebibliya eyerekine oku bene bantu barhalemagwa n’obuhashe bw’okucirhegeka bone ciru n’ehitya.

•   “Omuntu arhali yene ocîlambagiza, arhali yene ocîlongolana emunda ayerekîre.”​—Yeremiya 10:23, Mashi Bible.

 Ka hali omuntu wakaba murhegesi mwinja ene?

 Ebibliya eyerekine oku Nnâmahanga ahizireho omurhegesi w’obuhashe bunji bwenene na wa kulangalirwa, oyo murhegesi ye Yezu Kristu. (Ennanga 2:6) Yezu ye Mwami w’Obwami bwa Nnâmahanga, erhi burhegesi buli bwarhambula kurhenga empingu.​—Mateyo 6:10.

 Ka wacishoga okuyemera oburhegesi bwa Yezu? Ebibliya eyerekine bulya gurhi er’idoso liri lya bulagirire:

•   “Mukenge Omugala [Yezu Kristu], bulya nka murhajijiri ntyo, Nnâmahanga akunira na ninyu mwahungumuka kurhenga omu njira, bulya oburhe Bwage bunayake duba-duba. Ab’obushagaluke bali balya boshi bamuyakiramwo.”​—Ennanga 2:12, NWT.

 Kano ko kasanzi k’okurhôla omuhigo gwawe. Obulebi bw’Ebibliya buyerekine oku Yezu arhonderaga okurhegeka omu mwaka gwa 1914 n’oku hano hofi-hofi Obwami bwa Nnâmahanga bwarhôla enafasi y’amarhegesi ga bene bantu goshi.​—Daniyeli 2:44.

 Ly’omanya binji lugenda gurhi wakalungamwo oburhegesi bwa Yezu okuboko, osome omwanzi gudesire “Chagua Kuunga Mukono Ufalme wa Mungu Leo!”