ඡන්ද පවත්වද්දී මිනිස්සු තමන්ගේ ඡන්දය පාවිච්චි කරලා නායකයෙක්ව තෝරගන්නවා.

 ඒ ගැන බයිබලයේ කියන්නේ මොකක්ද?

 මිනිස් පාලකයන් හැමෝටම තියෙන සීමාවන් ගැන බයිබලේ කියනවා.

•   “වංශවත් අය කෙරෙහිවත් ගැලවීම ලබා දිය නොහැකි මිනිසුන් කෙරෙහිවත් විශ්වාසය නොතබන්න. ඔවුහු අවසන් හුස්ම හෙළූ පසු නැවත දූවිල්ලට හැරී යන්නෝය. ඒ මොහොතේම ඔවුන්ගේ කල්පනාව නැති වී යන්නේය.”—ගීතාවලිය 146:3, 4.

 මිනිස්සු වෙනුවෙන් ඇපකැප වෙලා වැඩ කරන, හොඳම පාලකයෙක් වුණත් දවසක මැරෙනවා. එයාලාගෙන් පස්සේ පත් වෙන අය එයාලා පටන්ගත්ත හොඳ දේවල් දිගටම කරගෙන යයි කියලා කාටවත් සහතික වෙන්න බැහැ.—දේශනාකාරයා 2:18, 19.

 බයිබලේ කියනවා මිනිස්සුන්ව සාර්ථකව පාලනය කරන්න මිනිස්සුන්ට කවදාවත් බැහැ කියලා.

•   “තම ජීවන ගමනේ පියවර තැබිය යුත්තේ කෙසේද කියා තනිව තීරණය කිරීමට ඔහුට හැකියාවක්ද නැත.”—යෙරෙමියා 10:23.

 එහෙමනම් අපිට විශ්වාසය තියන්න පුළුවන් හොඳ නායකයෙක් ඉන්නවාද?

 බයිබලේ කියනවා අපිට විශ්වාසය තියන්න පුළුවන්, හැම අතින්ම සුදුසුකම් තියෙන කෙනෙක්ව දෙවියන් අපේ නායකයා විදිහට පත් කරලා තියෙනවා කියලා. ඒ වෙන කවුරුත් නෙවෙයි යේසුස් ක්‍රිස්තුස්. (ගීතාවලිය 2:6) දේවරාජ්‍යයේ, ඒ කියන්නේ දෙවියන් ස්වර්ගයේ පිහිටුවලා තියෙන ආණ්ඩුවේ රජ ඔහුයි.—මතෙව් 6:10.

 ඒත් ඔයා යේසුස්ව ඔයාගේ නායකයා විදිහට පිළිගනියිද? ඒ ගැන හිතලා බලන එක කොච්චර වැදගත්ද කියලා බයිබලේ කියනවා.

•   “දෙවිව කෝප නොකරන පිණිසද ඔබ විනාශ නොවන පිණිසද ඔහුගේ පුත්‍රයාව [යේසුස් ක්‍රිස්තුස්ව] පිළිගන්න. මන්ද ඔහුගේ උදහස වහා ඇවිළෙන්නේය. ඔහුගේ රැකවරණය සොයා එය ලබාගන්නෝ සන්තෝෂවත්ය.”—ගීතාවලිය 2:12.

 තීරණයක් ගන්න කාලේ දැනුයි. බයිබල් අනාවැකිවල කියන විදිහට 1914දී යේසුස් ස්වර්ගයේ ඔහුගේ පාලනය පටන්ගත්තා. ළඟදීම ඔහු මිනිස් ආණ්ඩු හැම එකක්ම අයින් කරලා ඒ පාලනය මේ පොළොවටත් ගේනවා.—දානියෙල් 2:44.

 නායකයා විදිහට යේසුස්ට සහයෝගය දෙන්න ඔයාට පුළුවන් කොහොමද? ඒ ගැන දැනගන්න “දැන් ඉඳලාම දේවරාජ්‍යයට සහයෝගය දෙන්න” කියන ලිපිය බලන්න.