Afaky herinandro vitsivitsy le firenena maro amy tany toy iaby ro hiatriky fifidiana. Handramby fanapahan-kevitsy bevata ty olo amy fotoa reo hoe ia ty hofiliny ho mpitondra.

 Ino ty volanini-Baiboly?

 Resahini-Baiboly hoe ino ty mahavoafetra ty mpanday olombelo iaby.

•   “Ka matoky ty olo anabo na ty anak’olombelo tsy mahavita manavotsy. Miala ty fofonainy, le mimpoly amy tany nangalà azy ie, ka amy andro iny avao le rava ty eritseritsiny.”​—Salamo 146:3, 4.

 Ndre tena mahay mitondra aza ty olo raiky le tsy maintsy ho maty avao. Sady ndre miezaky marè ie, le mbo tsy azo antoky hoe hotohizani-azy handimby azy iny ty asa soa nataony.​—Mpitoriteny 2:18, 19.

 Mivola mazava soa ty Baiboly fa tsy tokony hifanday mihintsy ty olombelo.

•   “Tsy natao handay raiky ty fiainany koa ty olo.”​—Jeremia 10:23.

 Ka ia ty tena mahay manday antsika henanizao?

 Hazavanini-Baiboly fa nanendry mpanday tena mahay sady azo atokisa Ndranahary: Tsy ia zay fa Jesosy Kristy. (Salamo 2:6) Jesosy ro Mpanjakani-Fanjakà-Ndranahary. Baka an-danitsy any ie ro handay.​—Matio 6:10.

 Ekenao ho mpanday anao va Jesosy? Atoroni-Baiboly fa misy dikany bevata ty safidinao:

•   “Ameo voninahitsy ty anaky [Jesosy Kristy], tsy no ho meloky Ndranahary ka ho ripaky nareo, satria tsiela mirehitsy ty helokiny. Sambatsy ze mialoky aminy iaby.”​—Salamo 2:12.

 Zao ty fotoa tokony hanapahanao hevitsy. Laha hentea ty faminaniani-Baiboly, le fa nanomboky nanjaka Jesosy tamy tao 1914 sady tsy ho ela ty Fanjakà-Ndranahary ro hisolo ty fitondran’olombelo iaby .​—Daniela 2:44.

 Laha teanao ty hahazo fanazavà fanampiny mikasiky ty hoe ino ty azonao atao mba hanohana ty fandaisani-Jesosy, le vakio ty lahatsoratsy hoe “Miezaha Hanohana ny Fanjakan’Andriamanitra Dieny Izao!”