Bantu bakuete kuata bitshibilo bi na muulo pabitale mukunkushi abadia kusangula.

 Bible akula kinyi?

 Bible alesha kalolo bi kufudiila kua bakunkushi ba bana ba bantu.

•   “Tanukulupilanga mwi bakata, sunga mwi bantu, abo bashii balombeene kupaasha: Muuwa wabo awisheete, beealushe ku lufuufi; dyaady’efuku, mpàngo yaabo aikafudiila.”​—Misambo 146:3, 4.

 Sunga bakunkushi be na ngobesha ibungi ku nfudiilo a bioso abafu. Kukatusha biabia, ta mbalombene kushinkamisha’shi ingi midimo yaabo ibuwa abatungunuka na kuiyikita kui baaba abebapiana.​—Mulungudi 2:18, 19.

 Kiatudia kuuka nkuamba’shi, Bible alesha’shi muntu tabaadi mupangibue buadia kuikunkusha.

•   “Muntu ta nfumw’eshinda dyaalondo nya.”​—Yeelemiya 10:23.

 Kui muntu mulombene kutuusha bukunkushi buibuwa lelo uno su?

 Bible apatuula’shi Efile Mukulu mmutuule mukunkushi e na ngobesha ikile bungi na akukulupila: Yesu Kidishitu. (Misambo 2:6) Yesu nyi Nfumu a Bufumu bu’Efile Mukulu, mbulamatadi amunana kukatukila muiyilu.​—Mateo 6:10.

 Okasangula kukumiina bukunkushi bua Yesu su? Bible alesha buakinyi luno lukonko lui na muulo:

•   “Nemekayi muana [Yesu Kidishitu], bisumanga Efile Mukulu afiitshi munda na anushimina, muanda nsungu yaaye ayikaaminaa bukidibukidi. Muloo wi kui baaba abafuamina Muadi.”​—Misambo 2:12, NWT.

 Ino nyi nsaa yodia kuata kitshibilo. Butemuki bua mu Bible abulesha’shi Yesu mmubangie kumunana kubanga mu kipua kia 1914 na’shi kubashaala mafuku apeela bua’shi Bufumu bu’Efile Mukulu bupiane mbulamatadi ya bana ba bantu.​—Ndanyele 2:44.

 Bua kulonga bibungi pabitale biodia kukuatshishena bukunkushi bua Yesu, badika muisambo awamba’shi: “Sangula bwa kukwatshishena Bufumu bw’Efile Mukulu kubanga binobino!”