A de wan prenspari sani gi sma suma den o teki leki den tiriman.

 San Bijbel e taki?

 Bijbel e taki fu wan sani di nowan libisma tiriman man du.

•   „No poti un frutrow na tapu heihei sma, noso na tapu iniwan libisma, bika den no man frulusu unu. En blo e tapu. A e drai go baka na a doti fu gron. Na a dei dati den prakseri fu en e lasi gowe.”​​—Psalm 146:3, 4.

 Srefi den moro bun tiriman o dede wan dei. Én den no man gi wi a dyaranti taki a sma di o kon baka den o go doro nanga den bun sani di den du.​​—Preikiman 2:18, 19.

 Bijbel e taki dati noiti libisma ben meki fu tiri den srefi.

•   „A no de na wan libisma di e waka fu taki srefi pe a o poti en futu.”​​—Yeremia 10:23.

 Wan sma de ini a ten disi di man tiri na wan bun fasi?

 Bijbel e taki dati Gado poti wan tiriman di de fu frutrow èn di man du en wroko bun: Yesus Krestes (Psalm 2:6). Yesus na Kownu fu Gado kownukondre, wan regering di e tiri ini hemel.​​—Mateyus 6:10.

 Yu o teki Yesus leki yu tiriman? Bijbel e sori fu san ede na aksi disi de prenspari:

•   „Bosi a manpikin [Yesus Krestes], so taki Gado no kisi atibron èn taki a no wai unu puru na a reti pasi, bika en ati e bron esi. Koloku fu den sma di e suku kibri na en.”​​—Psalm 2:12.

 Now na ten fu yu teki wan bosroiti. Profeititori ini Bijbel e sori taki Yesus bigin tiri ini a yari 1914 én taki heri esi Gado Kownukondre o puru ala tra libisma regering.​​—Danièl 2:44.

 Efu yu wani kon sabi moro bun fa yu kan horibaka gi Yesus leki yu Tiriman, dan leisi na artikel di nen „Horibaka gi Gado Kownukondre nownow kaba!”