Dibekeng tse mmalwa tse tlang, dinaha tse fapaneng lefatsheng di tla tshwara dikgetho. Batho ba lokela ho etsa qeto ya bohlokwa ya hore na ba tla kgetha mang.

 Bibele e reng ka taba ee?

 Bibele e bua ka ntho eo baetapele ba batho ba sa kgoneng ho e etsa.

•    “Le se ke la tshepa dikgosana kapa motho hobane a ke ke a le pholosa. Ha a kgaotsa ho hema, o kgutlela leroleng. Ho tloha ka nako eo, o kgaotsa ho nahana.”​—Pesaleme ya 146:​3, 4, naletsana.

 Esita le baetapele ba ipabolang ba a shwa qetellong. Ho feta moo, ha ba a kgodiseha hore na ba tlang ka mora bona ba tla tswellisa pele mesebetsi ya bona e metle kapa tjhe.​—Moeklesia 2:​18, 19.

 Nnete ke hore Bibele e re batho ba ne ba sa etsetswa ho ipusa.

•    “Motho ha a kgone ho laola mehato ya hae.”​—Jeremia 10:23.

 Na ho na le motho ya ka busang hantle mehleng ee?

 Bibele e re hlalosetsa hore Modimo o kgethile moetapele ya tshepahalang le eo ho ke keng ha eba le moetapele le ha e le ofe ya ka tshwanang le yena e leng Jesu Kreste. (Pesaleme ya 2:6) Jesu ke Morena wa Mmuso wa Modimo e leng mmuso o busang o le lehodimong.​—Matheu 6:10.

 Na o tla kgetha hore Jesu e be moetapele wa hao? Bibele e a bontsha hore na ke hobaneng ha o lokela ho kgetha ka nepo:

•    “Hlomphang mora [Jesu Kreste], ho seng jwalo Modimo o tla halefa ebe le a bolawa, le tloswa tseleng hobane o kgona ho halefa kapele. Ho thaba bohle ba balehelang ho yena.”​—Pesaleme ya 2:12.

 Ena ke nako ya hore o etse qeto. Boprofeta ba Bibele bo bontsha hore Jesu o qadile ho busa ka selemo sa 1914 le hore haufinyane Mmuso wa Modimo o tla nkela mebuso ya batho sebaka.​—Daniele 2:44.

 Bala sehlooho se reng “Tshehetsa Bobusi ba Modimo Hona Jwale” e le hore o ithute haholwanyane hore na o ka tshehetsa bobusi ba Jesu jwang.