MATAN-MORIS BÁ NAFATIN!
Ukun-naʼin ida-neʼebé mak Ita sei hili?—Saida mak Bíblia dehan?
Ema halo desizaun importante kona-ba ukun-naʼin ida-neʼebé mak sira sei hili.
Saida mak Bíblia dehan kona-ba neʼe?
Ema nia kapasidade iha limitasaun
Bíblia fó sai katak ema neʼebé sai nuʼudar ukun-naʼin iha limitasaun.
“Imi keta tau fiar ba ulun-naʼin sira ka ema neʼebé labele lori salvasaun. Bainhira nia iis kotu, nia fila fali ba rai; iha loron neʼe kedas mak ninia hanoin sira lakon ona.”—Salmo 146:3, 4.
Ukun-naʼin ida neʼebé matenek liu hotu mós ikusmai sei mate. Liután neʼe, sira labele fó garantia katak ukun-naʼin neʼebé troka sira sei kontinua halaʼo sira-nia serbisu neʼebé diʼak.—Eclesiastes 2:18, 19.
Tuir loloos, Bíblia fó sai katak Maromak la kria ema atu ukun sira-nia an rasik.
“Ema neʼebé laʼo mós la iha kbiit atu hili ninia hakat.”—Jeremias 10:23.
Iha ka lae ida neʼebé bele ukun ho didiʼak iha ita-nia tempu?
Ukun-naʼin ida neʼebé Maromak simu
Bíblia esplika katak Maromak hili ona ukun-naʼin ida neʼebé matenek liu no bele tau fiar. Neʼe mak Jesus Kristu. (Salmo 2:6) Jesus mak Liurai ba Maromak nia Reinu, ka Ukun. Neʼe mak governu ida iha lalehan neʼebé ukun mundu.—Mateus 6:10.
Ita sei simu Jesus nuʼudar Ita-nia ukun-naʼin ka lae? Bíblia esplika tanbasá mak desizaun neʼe importante tebes:
“Hatudu respeitu ba oan-mane neʼe [katak Jesus Kristu], se lae Maromak sei sai hirus no imi sei lakon mohu tiha, tanba Nia sai hirus lalais. Ksolok ba ema hotu neʼebé buka protesaun husi Nia.”—Salmo 2:12.
Agora mak tempu ba Ita atu foti desizaun. Bíblia nia profesia hatudu katak Jesus hahú ninia ukun iha tinan 1914, no lakleur tan Maromak nia Ukun mak sei troka ema nia governu hotu.—Daniel 2:44.
Atu aprende liután kona-ba oinsá mak Ita bele apoia Jesus nia ukun, lee informasaun “Hili atu apoia Maromak nia Reinu agora!”
Karik Ita sei gosta
LIVRU HAKLAKEN
Sé mak Liurai ba Maromak nia Reinu?
Maromak leno ninia atan balu atu hakerek informasaun klaru iha Bíblia atu ajuda ita hatene kona-ba sé mak sei sai Liurai iha Maromak nia Reinu, ka Ukun. Iha ema nia istória, Jesus deʼit mak kumpre kritériu atu sai Ukun-Naʼin neʼebé diʼak liu.
HANORIN IMPORTANTE SIRA HUSI BÍBLIA
Saida mak Maromak nia Ukun?
Bainhira Jesus iha rai, nia haklaken liuliu kona-ba Maromak nia Reinu, ka Ukun. Ba tinan atus ba atus, ema halo orasaun atu Maromak nia Reinu neʼe toʼo mai.
TÓPIKU SELUK TAN
Esperansa kapás iha futuru
Oinsá mak Bíblia nia promesa la hanesan ho promesa sira neʼebé ema halo?
PERGUNTA KONA-BA BÍBLIA
Saida mak Maromak nia Reinu sei halo?
Aprende kona-ba buat neʼebé ita hein kuandu Maromak nia Governu ukun mundu tomak.
ESPLIKASAUN KONA-BA ESKRITURA
Esplikasaun kona-ba Mateus 6:33—“Buka uluk knanain Maromak nia reinu”
Jesus dehan katak ema Kristaun la presiza halo serbisu hodi buka moris ka lae?
KONA-BA AMI
Husu atu hetan vizita
Halo diskusaun kona-ba Ita-nia pergunta ruma neʼebé liga ho Bíblia, ka aprende liután kona-ba Testemuña ba Jeová.
