అప్రమత్తంగా ఉండండి!
మీరు ఏ నాయకుణ్ణి ఎన్నుకుంటారు?—బైబిలు ఏం చెప్తుంది?
ఎవర్ని నాయకులుగా ఎంచుకోవాలనే ముఖ్యమైన నిర్ణయం గురించి చాలామంది ఆలోచిస్తున్నారు.
బైబిలు ఏం చెప్తుంది?
మానవ నాయకులకు పరిమితులు ఉన్నాయి
మానవ నాయకులందరికీ ఉన్న ఒక పరిమితి ఏంటో బైబిలు చెప్తుంది.
“రాజుల మీద గానీ, మనుషుల మీద గానీ నమ్మకం పెట్టుకోకండి, వాళ్లు రక్షణను తీసుకురాలేరు. వాళ్ల ఊపిరి వెళ్లిపోతుంది, వాళ్లు తిరిగి మట్టికి చేరుకుంటారు; ఆ రోజే వాళ్ల ఆలోచనలు కూడా నశించిపోతాయి.”—కీర్తన 146:3, 4.
ఎంతో సామర్థ్యం ఉన్న మంచి నాయకులు కూడా ఏదోక రోజు చనిపోతారు. వాళ్లు చేసిన మంచి పనుల్ని, వాళ్ల తర్వాత వచ్చినవాళ్లు కొనసాగిస్తారని కూడా ఏ గ్యారెంటీ లేదు.—ప్రసంగి 2:18, 19.
నిజం ఏంటంటే, మనుషులకు తమను తాము పరిపాలించుకునే సామర్థ్యమే లేదు అని బైబిలు చెప్తుంది.
“తన అడుగును నిర్దేశించుకునే అధికారం కూడా అతనికి లేదు.”—యిర్మీయా 10:23.
మన కాలంలో ఎవరైనా మంచి నాయకులుగా ఉండగలరా?
దేవుడు నియమించిన నాయకుడు
ఎంతో సామర్థ్యమున్న, నమ్మదగిన నాయకుణ్ణి దేవుడు నియమించాడని బైబిలు చెప్తుంది. ఆయనే యేసు క్రీస్తు. (కీర్తన 2:6) యేసు దేవుని రాజ్యానికి రాజు. దేవుని రాజ్యం పరలోకం నుండి పరిపాలించే ఒక ప్రభుత్వం.—మత్తయి 6:10.
యేసు నాయకత్వం కింద ఉండడానికి మీరు ఒప్పుకుంటారా? ఈ ప్రశ్న గురించి ఆలోచించడం ఎంత ప్రాముఖ్యమో బైబిలు చెప్తుంది:
“కుమారుణ్ణి ఘనపర్చండి, లేకపోతే దేవునికి కోపం వస్తుంది, అప్పుడు మీరు నాశనం చేయబడి నీతి మార్గం నుండి తొలగించబడతారు, ఎందుకంటే ఆయన కోపం త్వరగా రగులుకుంటుంది. ఆయన్ని ఆశ్రయించే వాళ్లందరూ సంతోషంగా ఉంటారు.”—కీర్తన 2:12.
మీరు నిర్ణయం తీసుకోవాల్సిన సమయం ఇదే. 1914లో యేసు పరిపాలించడం మొదలుపెట్టాడని, అతి త్వరలో మానవ ప్రభుత్వాల స్థానంలో దేవుని రాజ్యం వస్తుందని బైబిలు ప్రవచనాలు చెప్తున్నాయి.—దానియేలు 2:44.
యేసు నాయకత్వాన్ని మీరు ఒప్పుకుంటున్నట్టు ఎలా చూపించవచ్చో తెలుసుకోవడానికి “దేవుని రాజ్యానికి మద్దతివ్వాలని ఇప్పుడే నిర్ణయించుకోండి!” అనే ఆర్టికల్ చూడండి.