Muchiindi chifwiifwi, nyika zyiingi zilachita mavooti. Bantu bali kuyeeyesesya atala akuti mweendelezi uuli ngubatazoosale.

 Bbayibbili Lityeni?

 Bbayibbili lyaamba zimwi beendelezi boonse babantu nzibatakonzyi kuchita.

•   “Mutasyomi bami pe naba mwanaamuntu uutakonzyi kuleta lufwutuko. Muuya wakwe ulazwa, eelyo walo ulapiluka kubulongo; Mubuzuba mbubonya oobo nzyayeeya zyoonse zilamana.”—Intembauzyo 146:3, 4.

 Nikuba beendelezi bachita ziyandwa aabantu kumamanino balafwa. Alubo tabakonzyi pe kubuzya mweendelezi uuzoobatobela kuti ayinkilile kunembo kuchita zintu zibotu nzyalikuchita.—Mukambausi 2:18, 19.

 Choonzyo nchakuti Bbayibbili litondeezya kuti bantu teebakalengelwa kulyeendelezya pe.

•   “Muntu weenda tapedwe nguzu zyakusololela noziba ntaamu zyakwe.”—Jeremiya 10:23.

 Mpali na uukonzya kuba mweendelezi uulikabotu mazubaano?

 Bbayibbili lipandulula kuti kuli mweendelezi weelela alubo uusyomeka wakabikkwa aaLeza: Jesu Kkristu. (Intembauzyo 2:6) Jesu nguuMwami waBwaami bwaLeza, mfulumende yeendelezya kayili kujulu.—Mateyo 6:10.

 Uzoosala bweendelezi bwaJesu na? Bbayibbili litondeezya mbuyandikana mubuzyo ooyu:

•   “Amumulemeke mwana, buyo-buyo Leza ulakalala Aboobo mulaloba munzila, Nkaambo bukali bwakwe bubuka buyo. Balikkomene aabo boonse ibayuba mulinguwe.”—Intembauzyo 2:12.

 Eechino nchichiindi chakusala. Bupolofita bwamuBbayibbili butondeezya kuti Jesu wakasaanguna kweendelezya mu1914 akuti muchiindi chifwiifwi Bwaami bwaLeza buzoogwisya mfulumende zyoonse zyabantu.—Daniele 2:44.

 Kuti uzibe nzukonzya kuchita kuti utondeezye kuti uyanda bweendelezi bwaJesu, bala chiiyo chitii “Nkamboonzi Nitweelede Kusumpula Bwaami bwaLeza Lino?”