Latamanin laksakmakgo tiku nalitaxtu xmapakgsinakan.

 ¿Tuku kinkawaniyan Biblia?

 Biblia lichuwinan pulaktum tuku mapakgsinanin nila tlawakgo.

•   «Ni kakalipawantit lakchixkuwin tiku kgalhikgo limapakgsin, chu ni para atanu chixku, xlakata nila liminkgo lakgtaxtut. Xlakata akxni nikgo, taspitparakgo kpokgxni; watiya ama kilhtamaku sputa xtalakapastaknikan» (Salmo 146:3, 4).

 Putum mapakgsinanin nikgo maski xtlawakgo lu tlan taskujut. Nachuna maski tlawakgonit tuku tlan, ni katsikgo komo tiku namapakgsinan alistalh nachuna natlawa (Eclesiastés 2:18, 19).

 Xaxlikana wa pi Biblia wan pi latamanin ni katlawaka xlakata xʼakstu nakamapakgsikan.

•   «Chixku ni lakgchan namapakgsi xtiji» (Jeremías 10:23).

 ¿Anan uku tiku tlan mapakgsina nalitaxtu?

 Biblia wan pi Dios lakgayawanit la mapakgsina chatum chixku tiku tlan lipawankan: Jesucristo (Salmo 2:6). Jesús wa xmapakgsina xTamapakgsin Dios, akgtum Tamapakgsin nema wi kʼakgapun chu lata anta mapakgsinama (Mateo 6:10).

 ¿Nalaksaka Jesús la mimapakgsina? Biblia kinkawaniyan tuku xlakata lu xlakaskinka uma takgalhskinin.

•   «Kamaxkitit kakni xakam; komo nichuna natlawayatit, Dios nasitsi chu wixin nanitayayatit, xlakata xla lakapalala sitsi. ¡Lu paxuwakgo putum tiku litatsekgkgo!» (Salmo 2:12).

 La uku kililaksakatkan tuku natlawayaw. Xlakata tuku lichuwinan Biblia Jesús tsukulh mapakgsinan kata 1914 chu Biblia nawan pi xTamapakgsin Dios natawila kxlakgxokgo putum xtamapakgsin latamanin (Daniel 2:44).

 Komo tlakg katsiputuna la natatayaya Tamapakgsin nema pulalin Jesús, kalikgalhtawakga artículo «¡Katatayaw xTamapakgsin Dios la uku!»