Omu wiiki nke ezirukwija, nihaija kubaho okukoma abebembezi omu biikaro bingi eby’ensi. Abantu baliyo nibakora encwamu enkuru obukirukuhika h’abebembezi ababarakoma.

 Baibuli n’ekibazaaho ki?

 Baibuli ebazaaho ekintu abebembezi b’abantu boona ekibatasobora kukora.

•   “Mutesiga bakuru, nobwakuba omwana womuntu, atarumu okukonyerwa kwona. Orwoyarwe rurugamu, agaruka hali itakalye; omu kiro eki ebitekerezobye nubwo bihwaho.”—Zabuli 146:3, 4.

 N’abebembezi abarukukirayo oburungi bamalirra nibafa. Kwongerraho, tibasobora kukigumya ngu ebirungi ebibaba bakozere, birigumizaamu nibikorwa abo abalibagaruka omu bigere.—Omugambizi 2:18, 19.

 Amananu gali, Baibuli eyoleka ngu abantu bakaba batasemeriire kwerema.

•   “Omuhanda gwomuntu tiguli omuluwe wenka: tikiri omuntu arukugenda okuterekereza ebigerebye.”—Yeremiya 10:23.

 Haroho omuntu wena ow’asobora kuba mwebembezi omurungi kasumi kanu?

 Baibuli esoborra ngu Ruhanga akomere omwebembezi ow’arukukirayo oburungi kandi omwesigwa: Yesu Kristo. (Zabuli 2:6) Yesu nuwe Mukama w’Obukama bwa Ruhanga, gavumenti ey’erukulema kuruga omu iguru.—Matayo 6:10.

 Oracwamu kwikiriza obwebembezi bwa Yesu? Baibuli eyoleka habwaki ekikaguzo kinu kikuru:

•   Baine omugisa abo boona abamufoora bwirukiro bwabo.”—Zabuli 2:12, “NWT.”

 Kanu nuko akasumi osemeriire kukora encwamu. Obunabbi bwa Baibuli nibwoleka ngu Yesu akatandika kulema omu 1914 kandi ngu omu kasumi akatali ka hara, Obukama bwa Ruhanga nibwija kwihaho gavumenti z’abantu.—Danieri 2:44.

 Kumanya ebirukukiraho ha mulingo osobora kusagika obulemi bwa Yesu, soma ekicweka “Cwamu Kusagika Obukama bwa Ruhanga Hati!”