Ta nopol bael, ta bayal nacionetik yame spasik te votación. Jich yuʼun te ants winiketik ay bin mukʼ skʼoplal ya skʼan ya staik ta nopel, jaʼ te machʼa ya skʼan ya xwentainotik yuʼun.

 ¿Bin ya yal te Biblia?

 Te Biblia ya yal bintik-a.

•   «Ma me xawacʼ smucʼulin awoʼtanic te winiquetic ay scʼoblalic, te snichʼnab winic, yuʼun ma xcoltaywan. te cʼalal ya xlocʼ schʼuhlel, ya suht ta tsʼubil lum; hanix yorahil a ya xchʼay te bintic snopojique (Salmo 146:3, 4).

 Spisil te ajwaliletik ya xlajik manchukme kʼax lek ya spas te yaʼtelik. Pero jaʼ-abi ma skʼan ya yal te machʼa ya och ta ajwalil ta patil ya xbajt spas ta lek-euk te yaʼtele (Eclesiastés 2:18, 19).

 Te Biblia ya yal te ants winik maba la yichʼik pasel yuʼun ya swentain sba ta stukelik.

•   «Te ants-winic [...] ma haʼuc yuʼun te ya yal banti ya xbehen» (Jeremías 10:23).

 ¿Aybal machʼa ya xjuʼ ya xkʼot ta lekil ajwalil ta kʼajkʼal ini?

 Te Biblia ya yal te Dios la yotses ta ajwalil te machʼa chapal ta lek sok te ya xjuʼ ya kakʼtik smukʼul koʼtantik ta stojol, jaʼ te Jesucristo (Salmo 2:6). Jaʼ te ajwalil yuʼun te wentainel yuʼun Dios te ay ta chʼulchan sok teyto ya xwentainwan talel-a (Mateo 6:10).

 ¿Jabal ya atsa ta ajwalil awuʼun te Jesuse? Te Biblia ya yal te bin yuʼun mukʼ skʼoplal te jichuk ya jtatik ta nopel spasele:

•   «Ichʼahic ta mucʼ te Nichʼanil scuenta yuʼun ma ba ya xʼilin, te hich ya xlajex ta be yuʼun; como ora nax ya xtihl yilimba. ¡Bayel me yutsil spisil te machʼatic ha smucʼulinej yoʼtanic te Diose!» (Salmos 2:12).

 Jaʼ yorail te ya jtatik ta nopel machʼa ya jkʼantik ta ajwalil. Te albilkʼopetik te ay ta Biblia ya yakʼ jnatik te jajch ta aʼtel ta 1914 te Wentainel yuʼun te Diose, jaʼnix jich ya yal te nopolix te wentainel yuʼun te Dios ya sjelolin jilel te ajwaliletik ta Balumilal (Daniel 2:44).

 Teme ya akʼan ya anaʼ te bin-utʼil ya kakʼ jbatik ta stojol te wentainel yuʼun te Dios, kʼopona te artículo «Akʼa kakʼ jbatik ta stojol te Wentainel yuʼun te Diose».