DZULANI NO FHAṰUWA!
Ndi Murangaphanḓa Ufhio Ane Na Ḓo Mu Khetha?—Bivhili I Ri Mini Nga Hazwo?
Vhathu vha khou u ita phetho dza ndeme dza uri vha ḓo khetha murangaphanḓa ufhio.
Bivhili i ri mini?
Hu na zwinzhi zwine vharangaphanḓa vha vhathu vha si zwi kone
Bivhili i ri vhudza zwine vharangaphanḓa vhoṱhe vha vhathu vha sa kone u zwi ita.
“Ni songo fhulufhela vharangaphanḓa kana na fhulufhela murwa muthu, ane a si kone u tshidza. Muya wawe u a bva, a vhuyelela mavuni; nga ḽeneḽo ḓuvha na ngelekanyo dzawe dzi a lovha”—Phisalema 146:3, 4.
Na vharangaphanḓa vhane vha ita mushumo wavho zwavhuḓi na vhone hu ḓo swika tshifhinga tshine vha ḓo lovha. Zwiṅwe hafhu, a vha na vhuṱanzi ha uri muthu ane a ḓo ḓa nga murahu havho u ḓo ita mushumo wavhuḓi nga nḓila i fanaho na ine vha khou ita ngayo.—Muhuweleli 2:18, 19.
Zwavhuḓi vhuḓi Bivhili i khou tou ri vhudza uri vhathu a vho ngo sikelwa u ḓivhusa.
“[Muthu] ha na maanḓa a u livhisa ṋayo dzawe”—Yeremia 10:23.
Naa hu na muthu ane a nga vha murangaphanḓa wavhuḓi ṋamusi?
Murangaphanḓa o nangiwaho nga Mudzimu
Bivhili i amba uri Mudzimu o khetha murangaphanḓa ane a ḓivha mushumo na ane ra nga mu fhulufhela. Onoyo murangaphanḓa ndi Yesu Kristo. (Phisalema 2:6) Yesu ndi khosi ya Muvhuso wa Mudzimu une wa vhusa u ṱaḓulu.—Mateo 6:10.
Naa ni ḓo khetha Yesu sa murngaphanḓa waṋu? Bivhili i a ri vhudza uri ndi ngani zwi zwa ndeme u ita nga u ralo.
“Hulisani murwa [Yesu Kristo] uri Mudzimu a si sinyuwe Uri ni si fe nḓilani, ngauri vhuhali Hawe vhu ṱavhanya u duga. Hu takala vhoṱhe vhane vha khuda Ngae.”—Phisalema 2:12.
Zwazwino ndi tshifhinga tsha uri ni ite phetho. Vhuporofita vhu re Bivhilini vhu sumbedza uri Yesu o thoma u vhusa nga 1914 nahone hu si kale Muvhuso wa Mudzimu u ḓo dzhiela vhudzulo mivhuso yoṱhe ya vhathu.—Daniele 2:44.
U itela u vhona uri ni nga tikedza hani Yesu sa murangaphanda, vhalani thero “U Tikedzeni Zwino!”