For some weeks wey de come, them go do election for different country for the whole world. People de try make decision about which leader them go choose.

 Wetin Bible talk?

 Bible talk something wey show say leaders for this world no perfect.

•    “No trust rulers or son of man, because they no go fit save us. When e spirit comot, e de go back inside ground; Na that same day e de stop to think.”—Psalm 146:3, 4.

 Even the leaders wey try to do good thing go still die one day. And after they die, we no dey sure say the people wey go come after them go continue the good things wey the former leader don do.—Ecclesiastes 2:18, 19.

 The truth be say, Bible show-am clear say God no ever give human being the power to rule theirself.

•    “Person wey de waka no fit even direct e step.”—Jeremiah 10:23.

 Anybody dey wey fit be good leader for this our time?

 Bible tell us say God don choose one better leader wey we fit trust. That leader na Jesus Christ. (Psalm 2:6) Jesus na the King of God Kingdom, and that kingdom na one government wey de rule from heaven.—Matthew 6:10.

 You go choose Jesus as your leader? Bible show why this question really de important. E say:

•    “Honor the son [Jesus Christ], or God go vex and wuna go die leave the way, because E de vex quick-quick. All the people wey go meet-am for protection go dey happy.”—Psalms 2:12.

 Na now be the time wey you need to make your decision. The things wey Bible talk show say Jesus start to de rule for 1914. E still show say small time, God Kingdom go replace all the government wey dey this world.—Daniel 2:44.

 To learn more about how you fit support Jesus as our leader, read the article “Choose to Support God’s Kingdom Now!”