Hangala fanapahan-kevitry maventy olo, fôtony irô hifidy azôvy olo hataondrô pitondra.

 Ino raha koran̈in’ny Baiboly momba zen̈y?

 An̈isan’ny mahavy zen̈y raha aby koran̈iny Baiboly ty:

•   “Aza matoky olo an̈abo na zanak’olombelon̈o tsy mahavita man̈avotro. Fahin̈ananany miala, ke izy mimpody amy fotaka. Andran’izin̈y fo eritreritrinany efa foan̈a edy.”​—Salamo 146:3, 4.

 Mbala hofoaty fo na mpitondra faran’ny mahay. Ankoatran’izen̈y, irô io tsy mahavita man̈amia toky fa hanohy asa tsara vitandrô olo hisoatra irô amy plasy iô.​—Mpitoriteny 2:18, 19.

 Ny marin̈y aminany, Baiboly mivolan̈a fa tsy natao hitondra fiain̈anantsika manokan̈a foeky atsika olombelon̈o.

•   “Olombelon̈o ... tsy natao hitondra fiain̈ananany manokan̈a.”​—Jeremia 10:23.

 Ke mety mbala misy pitondra mahay tsarabe ma avahizo?

 Baiboly man̈azava fa Zan̈ahary nifidy pitondra araiky faran’ny mahay ndreky mafatoky, tsy azôvy zen̈y fa Jesosy Kristy. (Salamo 2:6) Jesosy io Mpanjakan’ny Fanjakan̈an’ny Zan̈ahary, ke baka an-dan̈itry an̈y izy hitondra tany ty.​—Matio 6:10.

 Jesosy ma ikenao hatao mpitondra? Aboakan’ny Baiboly fa raha maventy ankitin̈y safidy hataonao io:

•   “Amezanarô voninahitry zanaka, [Jesosy Kristy], fa izikoa tsy zen̈y ho meloko aminarô Zan̈ahary, ke ho ripaka anarô; fôtony helokonany io faran-draha mora avy eky. Sambatra lan̈iany olo mitady fialofan̈a aminany.”​—Salamo 2:12.

 Iziôty fotoan̈a tôkony hangalanao fanapahan-kevitry. Izikoa zahavan̈a faminanian̈an’ny Baiboly ao, Jesosy efa nanomboko nanjaka tamin’ny 1914, ary tsy ho ela Fanjakan̈an’ny Zan̈ahary hisoatra fanjakan̈an’olombelon̈o jiaby.​—Daniela 2:44.

 Izikoa tianao hay karakôry hatao milan̈y amy fitondrasan̈an’i Jesosy, vakia lahatsoratra “Miezaha Hanohana ny Fanjakan’Andriamanitra Dieny Izao!”