ƐMƆHƆSO BƐWƐNE!
Ɛnea A, Mmenia Nu Nyeyemuɛ Kɔhora Kofi Berɛ Anaa?—Nzu Yeɛ Bible Ne Kã Fa Yenwo Ɔ?
Mmeni pẽe susu kyɛ mmenia nu nyeyemuɛ de, ɔngɔhora ngofi berɛ llé.
“Mmenia nu nyeyemuɛ aayɛ tekyɛ asaa kokotire bɔ benza yenwo bɛmmɔ porɛ ɔ. Ɛhẽne ati yeɛ sɛ ɛkɔ ewiase nekaa biala a, mmenia nu nyeyemuɛ wɔ berɛ, na mmenia pɔ bɛnwo sɔ ne. Sɛ ɛkɔ sukuu, ɔne adwuma nu pó a, enwu bie wɔ berɛ.”—António Guterres, UN Secretary-General yeɛ ɔhãne ɔ.
Yede, mmenia nu nyeyemuɛ kɔhora kofi berɛ anaa? Nzu yeɛ Bible ne kã fa yenwo ɔ?
Nyameɛ nye ngye mmenia nu nyeyemuɛ nwo
Bible ne maa yenwu kyɛ Nyameɛ bu mmenia mukoraati pɛ, ɔmva yenwo ne bɛ amammerɛ ɔne nekaa bɔ befi ɔ.
“[Nyameɛ] bɔle mmenia bɔ bɛwɔ maen amukoraa nu fili sona kõmaapɛ nu maa bɛtenane aseɛ ye aso amukoraa.”—Asomafoɛ 17:26.
“Nyameɛ nyɛ nyeyemuɛ, na mmom maen biala nu, ebiala bɔ osuro ye, ná ɔyɛ bɔ ɔtengyɛ ne, odé ye to nu.”—Asomafoɛ 10:34, 35.
Bible ne kã kyɛ, Nyameɛ bu mmenia mukoraati kyɛ bɛte kõ, ɔmva yenwo ne maen bɔ befi nu ɔ, yeti okuro ebiala dwirɛ.
Ɔngɔhyɛ mmenia mukoraati kɔyɛ kõ
Nyameɛ Ahennie bɔ ɔwɔ anwuro ne, yeɛ ɔkɔye mmenia nu nyeyemuɛ kofi berɛ ɔ. Sɛ Nyameɛ Ahennie ne di mmenia so kyẽabie a, ɔkɔboka mmenia mukoraati maa bɛkɔyɛ kõ. Sɛ ɔba sɔ a, mmenia nu nyeyemuɛ kofi aseɛ he aso koraa.
“Ewiase ama besua bra bɔ ɔtengyɛ ɔ.”—Yesaya 26:9.
“Ɔnate tenenee so asomdwee kɔwa, na tenenee kɔfa bɛ soanutɔlɛ ne bɛ nwo waenbɔlɛ kɔwa afebɔɔ.”—Yesaya 32:17.
Bible ne aboka mmeni pẽe bɔ bɛwɔ ewiase ne, maa basũa kyɛ bekobu mmenia na bali bɛ ni.
Sɛ ɛpena kyɛ esũa ɛhe anwo dwirɛ pẽe a, kenga Nyan! bɔ ɔwɔ Twi nu bɔ ye dwirɛti yeɛ ole, “Ɔtanhunu—Ano Aduru Wɔ Hɔ?”
Kenga edwirɛ he koso, “Talking to Children About Racism,” na ɔkɔboka wɔ maa ekonwu kyɛbɔ ɛne wɔ mmaamɔ kɔbɔ edwirɛ he anwo ngɔmmɔ wɔ awuro ɔ.