Mondị phọ, February 13, 2023, abuọ aCenters for Disease Control and Prevention (CDC) ungọ ni iinhaghạn dị egbolhomaam ooḅaghamhiạn aloor dị iḍoọgh romoọgh ghan epẹ America. Iinhaghạn phọ iḅẹm mọ mem dị odi iḍoọgh dị odi secondary skul ḍioph abin, iḍoọgh dị ropel li inya abin kụ odi dọl okururu ḅilhẹ u/moọgh oḍuomolhoghi.

 “Oniin oyil arookonhom dị oghol mọ Dr. Kathleen Ethier, dị rapogh ghan CDC’s Division of Adolescent and School Health (DASH) aḅẹm mọ, “ghalhamọ r’iduọn ḍioph asiạ epẹ omhạn iḍoọgh omhoọgh ghan bọ ni ooḅaghamhiạn aloor, rodon onhụ abạl iḍoọgh anmanyaạn dị omhoọgh ooḅaghamhiạn aloor, rootughiạn osiemhi eekunha ghuḍum abidị, rowạ reten oḍighi iduọn phọ obobọ mokparaghạ oḍighi iduọn phọ rapogh ghan bịn obụgh.”

 Iinhaghạn phọ iḅẹm mọ:

•   Esi aḍioph iḍoọgh anmanyaạn abudị mobiighi opel li oniin. Dr. Ethier aḅẹm mọ “ephẹn phọ ekạr ri eḍighi iyaạr ooḅaghamhiạn aloor loor esi dị esi aḍioph anmanyaạn dị nạ alhegheri, mobiighi ni oniin obobọ iyạl siphẹ igbo phọ abidị.”

•   Enighẹ oḅẹm mọ oniin esi iraạr iḍoọgh anmanyaạn momhoọgh ghan ni iitughiạn osiemhi eekunha ghuḍum abidị.

•   Enighẹ oḅẹm mọ iraạr esi oogh iḍoọgh anmanyaạn e/gbạ gbạ amem rologhoma ghan ni beeph olhoghi obobọ rootughiạn ghan mọ aghuḍum mọ o/nhighẹ mun orọl.

 Olhoghi ayira ra/ḅaạl ghan onhaghạn iinhaghạn phọ iphẹn phọ. Amem iḍoọgh ekpẹ oḍighi amem oḅaạl olhoghi ḅilhẹ r’ibo. Eeghe kụ ketue eloghonhaạn ḍighaạgh iḍoọgh ophamhaghạn ooḅaghamhiạn aloor dị bidị romoọgh ghan rodon? ABaibul phọ akaạph aani ika?

ABaibul phọ angọ ni oromha dị iḍoọgh kotue osighẹ oḍighinhom ḍio arodon

 ABaibul phọ akaạph ni aagholhomhi mọ araraạr kekpạr ri mem mọ ayira. ABaibul phọ aḅẹm mọ asiḍio phọ ayira eḍighi siḍio “ooto r’osooromineen.” (2 Timoti 3:1-5) Toroboiperolbọ, aBaibul phọ angọ ni oromha dị kotue osighẹ oḍighinhom dị reloghonhaạn ghan ḍighaạgh irubal iḍoọgh siẹn oomo aḅirinhi phọ orue okaran ipaanhaạn dị bidị osoman kụ omhoọgh ekol torobọ amem dị bidị osighẹ oḍighinhom. Ḅeeḅeghiọn rumhuoghaạph phọ iphẹn okpasị bọ siphẹ aBaibul phọ.

•   What if I Don’t Want to Live Anymore?

•   I Want to Die—Can the Bible Help Me When I Have Suicidal Thoughts?

•   Why Go On?

•   How Can I Deal With Depression?

•   How Can I Avoid Negative Thinking?

•   How Can I Deal With Anxiety?

•   How Can I Control My Emotions?

•   From Sad to Glad (avidio idoronheẹn)

•   What if I’m Being Bullied?

•   What if I’m Being Cyberbullied?

•   Beat a Bully Without Using Your Fists (avidio idoronheẹn)

•   How Can I Deal With Sexual Harassment?

•   What Should I Know About Sexual Assault?—Part 1: Precautions

•   What Should I Know About Sexual Assault?—Part 2: Recovery

ABaibul phọ angọ ni oromha dị aburudẹ r’aburunhiin kotue osighẹ oḍighinhom

 ABaibul phọ angọ ni oromha dị aburudẹ r’aburunhiin kotue osighẹ oḍighinhom olhoghonhaạn aḍighaạgh iḍoọgh phọ abidị orue okaran ipaanhaạn dị abidị rosoman ghan. Ḅeeḅeghiọn rumhuoghaạph phọ iphẹn okpasị bọ siphẹ aBaibul phọ.

•   Teen Depression—Why? What Can Help?

•   When Your Teenage Daughter Is Stressed Out

•   What if My Child Is Being Bullied?

•   When Your Teenager Self-Injures

•   Children and Social Media—Part 1: Should My Child Use Social Media?

•   Children and Social Media—Part 2: Teaching Your Teenager Social Media Safety

•   Children and Smartphones—Part 1: Should My Child Have a Smartphone?

•   Children and Smartphones—Part 2: Teaching Children Smartphone Sense

•   How to Talk to Your Teen About Sexting