KIP PAHN DI LUKOWT!
Moa ahn Moa Teenayjaz di Ga Mental Helt Prablemz—Weh di Baibl Ga fi Seh?
Pahn Mondeh, Febiweri 13, 2023, di Centers for Disease Control and Prevention (CDC) eena di United States mi gi wahn ripoat pahn di mental helt a teenayjaz da di U.S. Eena dis ripoat, ih menshan dat aalmoas haaf a di styoodents weh goh da hai skool feel sad er feel laik dehn noh ga no hoap fi wahn lang peeryad a taim.
Dakta Kathleen Ethier, dairekta a Division of Adolescent and School Health (DASH) a di CDC mi seh: “Wi noatis dat yong peepl di ga moa mental helt prablemz joorin di laas 10 yaaz. Bot ih di geh eevn wers fi di teenayj gyal dehn. Az a mata a fak, lat moa di tink bowt kil dehnself, dehn di plan fi kil dehnself, an akchwali en op di kil dehnself.”
Dis da weh di ripoat seh:
Moa dan 1 owta evri 10 teenayj gyal (14 persent) geh foas fi ga seks. Dakta Ethier seh: “Dis da sohnting fi wori bowt. Jos imajin dat fi evri 10 teenayj gyal weh yu noa, at lees wan a dehn, er eevn moa, don geh rayp.”
Bowt 1 owta evri 3 teenayj gyal (30 persent) reeli mi-di tink bowt kil dehnself.
Bowt 3 owta evri 5 teenayj gyal (57 persent) mi kip di feel sad ahn feel laik dehn noh ga no hoap.
Dehnya da sohn veri sad ripoat. Yong peepl sopoas tu bee hapi peepl. Soh, weh ku help teenayjaz fi koap wid di schres weh dehn di schrogl wid tudeh? Weh di Baibl ga fi seh?
Di Baibl gi gud sojeshanz weh ku help teenayjaz
Di Baibl taak bowt di haad taimz weh wi di liv eena. Ih seh dat “di laas dayz wahn bee daynjaros ahn laif wahn bee haad.” (2 Timoti 3:1-5) Bot di Baibl gat een gud advais weh aalwayz werk an ih di help yong peepl rong di werl fi koap wid di chalenjiz weh dehn fays. Chek owt dehnya aatikl weh bays pahn di Baibl.
Sohn help fi teenayjaz if dehn di tink bowt kil dehnself
Sohn help fi teenayjaz weh di deel wid dipreshan, sadnis, er negitiv feelinz
From Sad to Glad (whiteboard animation)
Sohn help fi teenayjaz weh di deel wid wahn buli da skool er onlain
How fi Beet Wahn Buli Widowt Yooz Yu Fis! (waitboad animayshan)
Sohn help fi teenayjaz weh di deel wid sekshwal harasment
Di Baibl gi gud sojeshanz weh ku help payrents
Di Baibl aalso gi gud advais tu payrents soh dat dehn ku help dehn teenayjaz fi koap wid di chalenjiz eena laif. Chek owt dehnya aatikl weh bays pahn di Baibl.
Yu Mait Aalso Laik
DI WACHTOWA
Peepl Aal Rong di Werl Di Sofa Fahn Mental Helt Prablemz
Mental helt prablemz ku afek enibadi, noh mata dehn ayj er bakgrong. Si how di Baibl ku help wi wid wi mental helt.
ESSENTIAL BIBLE TEACHINGS
Wai Gaad Talarayt Sofarin?
Di Baibl eksplayn it eena wahn way weh satisfai wi ahn gi wi komfert.
IMPOATANT BAIBL TEECHINZ
Yoo Tink Ih Pasabl fi Bee Gaad Fren?
Fi wahn lang taim now, peepl waahn noa da Hoo mek dehn. Di Baibl ku help wi fi bee Gaad fren. Di fos ting wi need fi du da laan Gaad naym.
LAAN BOWT WI
Aks fi Mek Sohnbadi Vizit Yu
Diskos wahn Baibl kweschan, er laan moa bowt Jehoava Witnisiz.
