KANYAMENU!
Musongo wa Manyonga Kuli Akweze Unoko Chinji—Yika Mbimbiliya Yakulongesa?
Liakasoka 13 Fevereiro, 2023 chipatulo chatala ha kulifunga ku misongo (CDC) cha mu Estados Unidos, chatuhwisanga lusango unatale ha musongo wa manyonga hakutwala kuli akweze a mu Estados Unidos. Lusango wacho kasolola ngwo, akweze kuhiana 40% waze akulilongesa ku shikola yikehe, kakunenganyana chinji hanji ngwetu keshi ni kutalatala nichimwe.
Dra. Kathleen Ethier, yoze watala ha mwono wa akweze ku shikola (DASH) ya CDC, yamba ngwenyi: “Chipwe ngwe musongo wa manyonga mukachi ka akweze unoko chinji ha kupalika cha miaka 10, nihindu ha mashimbu wano misongo ya mahesu-hesu mukachi ka akweze a mapwo ni kuzanga kulishiha yinasoloka chinji.”
Tala yize lusango wacho asolola:
Mwana pwo 1 hakachi ka ana mapwo 10 (14%) hanaashinjila hanga alisumbakenye muze ene kazangile. Dr. Ethier yamba ngwenyi: “Yino yili ponde yinene” mumu mukachi ka “akweze a mapwo 10 waze unanyingika, kota umwe wa kuli ayo hanji anji hanaamupihisa hanji kulisumbakenya no ku tachi.”
Kota mwana pwo 1 hakachi ka ana mapwo 3, (30%) haneseka kulishiha.
Kota ana mapwo 3 hakachi ka ana mapwo 5, (57%) kakunenganyana chinji ni kuhona kutalatala.
Kuhengwola chino chasolola ngwo, yuma yacho yinapinjisa chinji akweze. Mashimbu a ukweze te katamba kupwa a uwahilillo. Mba yika muyihasa kukwasa akweze akumbe yuma yize anapalika musono? Yika Mbimbiliya yakulongesa?
Mbimbiliya muyihasa kukwasa akweze
Mbimbiliya yakusolola ngwo ha mashimbu wano tuli kali api. Yakuvuluka mashimbu jacho ngwo, “miaka yikalu.” (2 Timoteu 3:1-5) Chipwe chocho, yakutwaha nawa yiyulo yinji yize yinakwase tununu a tununu twa akweze hashi heswe ahase kukumba yipikalo yize akupalika. Tala yikuma yino yize yikatuka mu Mbimbiliya:
Ukwaso kuli akweze waze akwete manyonga akulishiha
Ukwaso kuli akweze waze a kulema ku mbunge, kunenganyana, hanji ali ni manyonga api hali ene
Deixe a tristeza de lado (Chinema cha yizulie ya kufunjeka)
Ukwaso kuli akweze waze akulinga bullying kuli akwo hanji bullying ya internet
Kukumba Akwa-Kusosomba Chakuhona Kuzwela (Chinema cha yizulie ya kufunjeka)
Ukwaso kuli akweze waze akushinjila kuli akwo hanga alisumbakenye no
O que eu preciso saber sobre abuso sexual?—Parte 1: Que cuidados tomar
O que eu preciso saber sobre abuso sexual?—Parte 2: Como se recuperar
Mbimbiliya muyihasa kukwasa yisemi
Mu Mbimbiliya muli nawa yiyulo yipema yize muyihasa kukwasa yisemi hanga akwase ana jo waze achili akweze kukumba yipikalo yize akupalika. Tanga yikuma yino yinakatuka mu Mbimbiliya:
Filhos e redes sociais—Parte 1: Devo deixar meu filho usar redes sociais?
Filhos e redes sociais—Parte 2: Ensine seu filho adolescente a usar as redes sociais com segurança
Pais, filhos e smartphones—Parte 1: Meu filho deve ter um smartphone?
Pais, filhos e smartphones—Parte 2: Ensine seu filho a usar um smartphone de maneira responsável
Kota Muzanga Chinji Yuma Yize Mumona
KAPOSHI WA KUTALILA
Kulitanda cha Yikola Ya mu Manyonga Hashi Heswe
Yikola ya mu manyonga muyihasa kupinjisa atu a mutapu weka ni weka ni miaka yeka ni yeka. Tala chize usongwelo wa mu Mbimbiliya muuhasa kukwasa waze anayiji yikola ya mu manyonga.
ESSENTIAL BIBLE TEACHINGS
Mumu Liaka Zambi Akwecha Lamba?
MAtu anji kakuhula ngwo mumu liaka atu akulivwila kole chichize ni kumona lama lipwahaha. Mbimbiliya yikwete kumbululo lipema lize mulitulembejeka.
MALONGESO ALEMU A MU MBIMBILIYA
Kuchi Muhasa Kupwa Sepa lia Zambi?
Chize ku shakulu, atu kakwivwa usona wa kunyingika yoze wa atangile. Mbimbiliya muyihasa kutukwasa kupwa masepa ja Zambi. Usepa wacho wakuputuka muze twakunyingika jina lienyi.
SANGO JA YETU
Eta Umwe Eze ni Kukumeneka
Kushimutwina chimwe chihula cha mu Mbimbiliya, kunyingika yuma yinji hakutwala kuli Yela ja Yehova.
