2023, February 13, Nikhat Ni ah United States i CDC (Centers for Disease Control and Prevention) nih U.S. kumhra fai pawl lungthinlei ngandam lonak kong he aa tlaiin ca pakhat a chuah. Zatuak in siangsangruun a kaimi 40 leng cu atu le atu an ngaih a chia i ruahchannak ngei loin an um tiah a ti.

 CDC i Kumhra Fai Le Sianginn Ngandamnak Department (DASH) i director a simi Dr. Kathleen Ethier nih hitin a ti: “A luancia kum 10 chung ah mino pawl lungthinlei ngandamnak cu a ṭumchuk ti kha kan hmuh. Asinain kumhra fai nu pawl lungthinlei ngandam lonak cu a hlan nakin a zual chin. Mah le mah i thah duhnak lungput a ngei i cutin tuah awkah timhtuahnak a ngemi asiloah mah le mah i thah ding in aa zuammi kumhra fai nu pawl cu an tam chin.”

 Ca ah hitin a ti:

•   Kumhra fai nu 10 ah 1 (14%) cu anmah duhnak i tel loin hramhram in nupa sualnak tuahpi an si. Cucaah Dr. Ethier nih hitin a ti: “Mah cu ṭih a nung taktakmi a si. Na hngalhmi kumhra fai nu 10 ah a tlawm bik 1 cu tlaihrem an si tinak a si.”

•   Kumhra fai nu 3 ah 1 (30%) hrawng nih mah le mah i thah ding in khua an ruat.

•   Kumhra fai nu 5 ah 3 (57%) hrawng cu atu le atu an ngaih a chia i ruahchannak ngei loin an um.

 Mah cu ngaihchia taktak a si. Kum no lio cu nuam tein um caan a si awk a si. Kumhra fai hna nih atu ah an tonmi buaibainak hna tawnghtham khawh awkah zeinihdah a bawmh khawh hna? Baibal nih zeidah a chim?

Baibal nih kumhra fai pawl kha ruahnak cheuhnak a pek hna

 Baibal nih lungretheihnak caan a simi atu kan chan kong kha a langhter. Mah kha “harnak caan” tiah auh a si. (2 Timote 3:1-5) Asinain Baibal nih vawleicung pumpi i kumhra fai mino tampi kha an tonmi zuamcawhnak hlawhtling tein an tawnghtham khawh nakhnga ruahnak cheuhnak a pek hna. A tlanglei ah langhtermi Baibal hrambunhmi capar hna kha zoh.

•   Nun Ka Zuam Ti Lo Ahcun Zeitin?

•   Thih Ka Duh—Mah Le Mah I Thah Duhnak Lungput Ka Ngeih Tikah Baibal Nih A Ka Bawm Kho Lai Maw?

•   Zeicah Nun A Herh?

•   Lungdongh Zawtnak Kha Zeitindah Ka Tawnghtham Khawh?

•   A Ṭha Lomi Ruahnak Kha Zeitindah Ka Hrial Khawh?

•   Lungretheihnak Kha Zeitindah Ka Tawnghtham Khawh?

•   Ka Intuarnak Kha Zeitindah Ka Uk Khawh?

•   Ngaihchiatnak in Lunglawmhnak (muiṭawn video)

•   Nehsawh Ka Si Ahcun Zeidah Ka Tuah Lai?

•   Online In Nehsawh Ka Si Ahcun Zeidah Ka Tuah Lai?

•   Nehsawhtu Kha Kuttum Hmang Loin Lehrulh Ning (muiṭawn video)

•   Tlaihhremnak Kha Zeitindah Ka Tawnghtham Khawh Lai?

•   Tlaihhremnak Kong He Aa Tlaiin Zeidah Ka Hngalh Awk A Si?—Ṭhen 1: I Runvennak

•   Tlaihhremnak Kong He Aa Tlaiin Zeidah Ka Hngalh Awk A Si?—Ṭhen 2: I Sersiam Ṭhannak

Baibal nih nulepa hna kha zulh awk a tlakmi ruahnak cheuhnak a pek hna

 Kumhra fai an fale nih an tonmi zuamcawhnak tawnghtham khawh awkah bawmh ding in Baibal nih nulepa hna kha zulh awk a tlakmi ruahnak cheuhnak zong a pek hna. A tlanglei ah langhtermi Baibal hrambunhmi capar hna kha zoh.

•   Kumhra Fai Lungdongh Zawtnak—Zeicah A Si? Zeinihdah A Bawmh Khawh?

•   Kumhra Fai Na Fanu A Lungre A Theih Tikah

•   Ka Fa nih Nehsawhnak a Ton ahcun Zeidah Ka Tuah Lai?

•   Kumhra Fai Na Fa Nih Amah Le Amah Fahnak Aa Pek Tikah

•   Ngakchia le Social Media—Ṭhen 1: Ka Fale Nih Social Media An Hman Awk A Si Maw?

•   Ngakchia Le Social Media—Ṭhen 2: Him Tein Social Media Hman Ning

•   Fale le Phone—Ṭhen 1nak: Ka Fale Kha Phone Ka Hmanter Hna Awk A Si Maw?

•   Fale le Phone—Ṭhen 2nak: Na Fale Kha Fimkhur Tein Phone Hman Awkah Cawnpiak Hna

•   A Thurhnawmmi Hmanthlak le Ca Phone In I Kuatnak Kong He Aa Tlaiin Na Fa He Bia Nan I Ruah Khawh Ning