DAUBA BʼAIDUA
Atiara warrara krĩcha obʉra audre wari wã | ¿Kʼãrẽta jarabʉ Daizeze Bedʼeabara maʉ̃ ʉ̃rʉ?
Lunes 13 febrero poaga 2023de, Centros para el Control y la Prevencion de Enfermedades (CDC Ingles bedʼeade), Estados Unidosdebemaba jarasida warrara ʉ̃rʉ kʼãrẽ sãwũã berabarinʉmʉta. Maʉ̃ informebara jarasi 40 porciento (40%) audre warrara kolegiode bachillerato opanʉrarã krĩcha zroma opanʉta badua, kʼãrẽ nebia jʉ̃ã ẽã.
Kathleen Ethier, directora de la Sección de Salud Escolar y del Adolescente CDC debemaba jarasi: «Poaga 10 berabariside ũdusida warrarara sãwũã wiña wiñane audre krĩcha owãnata. Mamina atiara ũdupanʉ wẽrãrarã audre krĩcha zroma opanʉta nãã krĩcha obadaira, adewara iyikʉza yi beakĩrãbʉ».
Adewara informeba jarasi naʉ̃ta:
Warrara 10 abaʉ debemata (14%), yi erkaĩbipanʉ ãya kãga ẽ mina. Doctora Ethierba jarasi: «¡Maʉ̃ra jipa nekʼayirua! Wẽrã zake diez bʉa ũdubʉra, maʉ̃ranebemara aba, mawũã ẽ bʉrʉ audre, wawa osida.
Wẽrã zakera ũbeabʉ abaʉdebemaba (30%), krĩchabari edaʉde iyikʉza yi beaita.
Wẽrã zakera juesomabʉ debemata ũbea (57%), krĩcha obʉ sopua, kʼãrẽ nebia jʉ̃ã ẽã.
Maʉ̃ra jipa wãrĩnu zeri ẽ. Warrarara sobia baidebʉ idira, ãyira warrara baera, mamina maʉ̃ra mawũã ẽ. Mawẽrã ¿warrarara kʼãrẽba kʼarebai aukʼara krĩcha oẽ baita?
Daizeze Bedʼeaba mejãchade kʼarebaseabʉ warrarara
Daizeze Bedʼeaba jarabʉ maʉ̃ra ũdubaibasita idi. ¿Kʼãrẽã? «Ewari jõbodoare» panʉ baera akʉza bedʼea zromara daya ara obe ẽ baera (2 Timoteo 3:1-5). Maʉ̃ awuara Daizeze Bedʼeabara ũragʼa bia diabʉ akʉza naʉ̃ drʉa jõmaũne warrara bio kʼareba diapanʉ. Maʉ̃ ũragʼa biaba kʼarebabʉ ãyira, ãyi bedʼea zroma sãwũã awuanta kʼawuaita. Bari jaraita akʉra artikulora Daizeze Bedʼeadeba odata.
Kʼareba warrara iyikʉza beai krĩcha bʉita
Kʼareba warrara depresion erbʉita akʉza krĩcha mitia erbʉita
Borra la tristeza (video de “La pizarra animada”).
Kʼareba warrara zibʉria opanʉraita (Bullying apanʉ)
Cómo defenderte sin dar un solo golpe (video de “La pizarra animada”).
Kʼareba warrara iya kãgaẽãde yi erkãĩbipanʉita akʉza wawa opanʉita
¿Qué debes saber sobre las agresiones sexuales? Primera parte: Precauciones que deberías tomar
¿Qué debes saber sobre las agresiones sexuales? Segunda parte: Cómo puedes recuperarte
Daizeze Bedʼeabara kʼarebaseabʉ yibarirasida
Daizeze Bedʼeabara yibarirabida ũragʼa bia diabʉ, ãyi wũãwũã kʼarebadamarẽã bedʼea zroma awuantaita. Bari jaraita akʉra artikulora Daizeze Bedʼeadeba odata.