JA EPE̱ŃE̱!
Diboa la mo̱ngele̱ ombo’a beso̱mbe̱ di mabata nde yamba—Nje Bibe̱l e makwalano̱ e?
O Mo̱su, 13 ma Ngo̱nde̱ 2023, epolo e mombweye̱ maboa ma mo̱nge̱le̱ (CDC) o Amerika e busise̱ bolangi jombwea diboa la mo̱nge̱le̱ la beso̱mbe̱ o Amerika. Bo bolangi bo kwali ná buka 40 ma beso̱mbe̱ omo̱ń’ebwea bena ba male̱ o esukulu ba titi muńe̱nge̱ o longe̱ labu, ba si be̱n pe̱ to̱ dipita o longe̱.
Do̱kita Kathleen Ethier, ńena ńe mudie̱le̱ epepa e mombweye̱ ja la bwam la beso̱mbe̱ o esukulu (DASH) o CDC a kwali ná: “Din dom la mbu di tombi, je̱n ná diboa la mo̱nge̱le̱ di mabata nde yamba ombo’a beso̱mbe̱. Nde ombo’a beso̱mbe̱ ba bito, di diboa la mo̱nge̱le̱ lambi pe̱te̱ jita buka kwaṅ, jita la beso̱mbe̱ ba bito pe̱ ba mo̱nge̱le̱ ná bangame̱n bwa ńolo, to̱so̱ ba makeka nde mo̱me̱ne̱ o bola nika.”
Bo bolangi bo kiki ná:
Ba ńakisane̱ buka eso̱mb’a muto ewo̱ omo̱ń a dom o nangane̱ moto na mińakisan. Do̱kita Ethier mo̱ ná: “Nik’e mabwesane̱ bo̱ngo̱. O bi te̱ dom la ngo̱ndedi, ba nakisane̱ o bosadi bwe̱se̱ mō̱ oteten abu, to mo̱me̱ne̱ buka nika, o nangane̱ moto na mińakisan.”
Lambo ka mō̱ omo̱ń a balalo a puli o bwa ńolo na mbale̱.
Lambo ka balalo omo̱ń a batanu ba titi muńe̱nge̱ o longe̱ labu to̱so̱ ba si be̱n dipita o longe̱.
Mi miso̱ngi mi mabwesane̱ ndutu na mbale̱. Pond’eso̱mbe̱ ńangame̱n nde be̱ pond’a muńe̱nge̱ na bonam. Nje ye ná yongwane̱ beso̱mbe̱ o lembe̱ mutaka ba be̱nno̱ we̱nge̱ e? Nje Bibe̱l e makwalano̱ e?
Bibe̱l e mawanea beso̱mbe̱ jongwane̱ la bwam
Bibe̱l e mateleye̱ ná bwē ponda ndutu ńena jeno̱ lembe̱ we̱nge̱. Bibe̱l e mabele̱ mo̱ ná “pond’a bobe.” (2 Timoteo 3:1-5) Nde Bibe̱l e mabola malea mena ma mongwane̱ lodun la beso̱mbe̱ o wase ńe̱se̱ o lembe̱ mitakisan mena ba be̱nno̱. Ombwa min milopo m’ekwali mi se̱medi o Bibe̱l.
Jongwane̱ ońola beso̱mbe̱ be mapule̱ bwe̱ ńolo
Jongwane̱ ońola beso̱mbe̱ bena be be̱n diboa la mo̱nge̱le̱, bena ndutu ńeno̱ teten to̱ bena ba be̱n mo̱nge̱le̱ ma bobe
Triste ou optimiste (le tableau s’anime)
Jongwane̱ ońola beso̱mbe̱ bena be malembe̱ misisan to̱ mabandan
Dipa mubandedi esibe̱ bolane̱ losilo (maduta o ebambu)
Jongwane̱ ońola beso̱mbe̱ bena be malembe̱ mińakisan ma nangane̱ moto
Les agressions sexuelles: Que faut-il savoir ? (1ere partie) : Prendre des précautions
Les agressions sexuelles: Que faut-il savoir ? (2e partie) : Guérir
Bibe̱l e mabola bayedi malea ma bwam
Bibe̱l e mabola pe̱ bayedi malea ma bwam ná ba we̱le̱ jongwane̱ beso̱mbe̱ babu ba bana o lembe̱ mitakisan ma longe̱. Ombwa min milopo m’ekwali mi se̱medi o Bibe̱l.
We pe̠ ná o to̠ndo̠...
ESSENTIAL BIBLE TEACHINGS
Ońola nje Loba a mese̱le̱no̱ take e?
Bato jita ba mabaise̱ ońola nje wase e londino̱ na bosinga na take. Bibe̱l e mabola jalabe̱ di malo̱ke̱ na di mabwesane̱ muńe̱nge̱.
